7 years ago
August 12, 2017
लण्डन (एजेन्सी) – इङ्लिस प्रिमियर लिग अन्तर्गत शनिबार भएको पहिलो खेलमा आर्सनलले लेस्टरलाई ४-३ले पराजित गरेको छ। २ पटक पछाडी परेको स्थितिलाई उल्टाउँदै आर्सनलले ३ महत्त्वपूर्ण अंक जोडेको हो। एमिरेट्स स्टेडियममा भएको खेलमा सुरुवाती अग्रता घरेलु टोली आर्सनलले लिएको थियो। यसै ट्रान्सफर विन्डोमा क्लब आएका फ्रान्सेली फरवार्ड एलेक्जेन्डर लाकाजेटले दोश्रो मिनेटमा गोल गर्दै अग्रता दिलाएका […]
लण्डन (एजेन्सी) – इङ्लिस प्रिमियर लिग अन्तर्गत शनिबार भएको पहिलो खेलमा आर्सनलले लेस्टरलाई ४-३ले पराजित गरेको छ। २ पटक पछाडी परेको स्थितिलाई उल्टाउँदै आर्सनलले ३ महत्त्वपूर्ण अंक जोडेको हो।
एमिरेट्स स्टेडियममा भएको खेलमा सुरुवाती अग्रता घरेलु टोली आर्सनलले लिएको थियो। यसै ट्रान्सफर विन्डोमा क्लब आएका फ्रान्सेली फरवार्ड एलेक्जेन्डर लाकाजेटले दोश्रो मिनेटमा गोल गर्दै अग्रता दिलाएका थिए। उनले मोहमद एल्नेनीको क्रसमा हेडरमार्फत गोल गरेका थिए। तर, त्यसको ३ मिनेट नबित्दै लेस्टरका लागि सिन्जी ओकाजाकीले बराबरी गोल फर्काए। मगाएरले हेडरमार्फत दिएको पासमा ओकाजाकीले पनि हेडरबाटै गोल गरेका थिए।
त्यसपछि केहि आक्रमक देखिएको लेस्टरले जेमी भार्डिको गोलमा अग्रता लियो। २९औं मिनेटमा मार्क अलब्राइटनको क्रसलाई सदुपयोग गर्दै उनले पाहुना टोलीलाई अग्रता दिलाए। तर, पहिलो हाफको इन्ज्युरी समयको अन्त्यमा ड्यानी वेलबेकले आर्सनललाई खेलमा फर्काए। उनले भर्खरै क्लबमा आएका सियाड कोलासिनाचको पासमा गोल गर्दै खेललाई बराबरीमा ल्याए। डिफेन्सको गल्तिको फाइदा उठाउँदै उनले खाली पोष्टमा गोल गरेका थिए।
दोश्रो हाफको ५६औं मिनेटमा रियाद माहरेजको कर्नरमा भार्डीले हेडर मार्फत गोल गरेपछि लेस्टरले दोश्रोपटक अग्रता लियो। तर, ३ मिनेटको अन्तरमा २ गोल गरेपछि आर्सनलले पुन: खेलमा अग्रता लियो। ८३औं मिनेटमा ग्रानिट झाकाको उत्कृष्ट पासमा आरोन राम्जीले गोल गर्दै खेल ३-३को स्थितिमा ल्याए। त्यसको २ मिनेटमै झाकाकै पासमा ओलिभिएर जिरुडले गोल गर्दै घरेलु टोलीलाई अग्रता दिलाए। जिरुडले झाकाको कर्नरमा हेडर मार्फत गोल गरेका थिए।
खेलमा थप गोल हुन नसकेपछि घरेलु टोली आर्सनलले सिजनको पहिलो खेलमै ३ अंक जोड्न सफल रह्यो। मुख्य खेलाडी एलेक्सीस स्यान्चेज चोटका कारण खेलेका थिएनन्। च्याम्पियन्स लिगमा छनोट हुन नसकेको आर्सनल यसपटक भने शीर्ष ४मा अटाउने लक्ष्य राखेको छ।
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]
April 25, 2024
सुर्खेत (हाम्रो खेलकुद) – महिला लिग छनोटमा कर्णाली प्रदेशले बुधबार बागमती प्रदेशलाई ३–२ ले पराजित गरेको छ । छनोटमा घरेलु टोली कर्णालीको तेस्रो खेलमा यो दोस्रो जित हो । बागमतीले भने अंकको खाता खोल्न सकेको छैन । सर्खेतस्थित कर्णाली प्रदेश रंगशालामा भएको खेलको ४१ औं मिनेटमा सुनकला राईले गोल गर्दै कर्णालीलाई अग्रता दिलाइन् । तर […]