8 years ago
August 22, 2017
ललितपुर (हाम्रो खेलकुद)– राजधानीमा जारी साफ यू –१५ फुटबल च्याम्पियनसिपमा बंगलादेशसँग समूह चरणको खेलमा पराजित हुदै समूह उपविजेतामा चित्त बुझाएको भुटान राष्ट्रिय टोलीका जापानी प्रशिक्षक सोगंजान लीले सेमिफाइनलमा घरेलु टोलीसँग प्रतिस्पर्धा गर्ने इच्छा व्यक्त गरेका छन् ।
भुटानका प्रशिक्षक सोङ्ग्जान ली
बंगलादेशी खेलाडी भुटानी खेलाडि भन्दा शारीरिक रुपमा बलियो देखिए ।
समूह ‘ए’ मा मंगलबार बंगलादेशसँगको अन्तिम खेलपछि पोस्ट म्याच कन्फ्रेन्समा प्रशिक्षक लीले घरेलु टोलीसँग आफ्नो टोलीलाई राम्रो अनुभव हुने बताए । उनले भने,‘नेपाल र भारत दुवै बलियो टोली हुन् । तर हामीलाई घरेलु टोलीसँग खेल्ने चाहना छ ।’
लीले आफ्नो टोली भन्दा बंगलादेशी टोली हरेक पोसिसनमा उत्कृष्ट भएका जित्न सफल भएको बताए । ‘बंगलादेशी टोली शारीरिक रुपमा बलियो देखिए । हरेक पोसिजनमा हाम्रा खेलाडी भन्दा उनीहरु उत्कृष्ट रहेकाले सफल नतिजा निकाले,’ उनले भने,‘ भुटान सानो देश हो । जसरी हामीले प्रदर्शन गर्यौं त्यसमा सन्तुष्ट छौं । ’
बंगलादेशी प्रशिक्षक –‘भारत नै बलियो’
बंगलादेशका प्रशिक्षक मोस्तोफा अनवर परभेजले भने भारत नेपाल भन्दा बलियो रहेको बताएका छन् । ‘हामी सेमिफाइनलमा दुइ मध्ये समूह चरणको अन्तिम खेलमा पराजित हुने टोलीसँग खेल्ने छौ । हाम्रो प्राथमिकतामा कुनै टोली छैन । तर दुई मध्ये भारत बलियो देखिन्छु,’उनले भने,‘भारतका खेलाडी प्रतियोगिताको नियमभन्दा बढी उमेरका देखिन्छन् ।
बंगलादेशका प्रशिक्षक परभेजले सेमिफाइनलमा टोलीमा सुधार गर्नुपर्ने बताए । उनले भने, ‘हाम्रो टोलीमा सुधारको आवश्कयता देखिन्छ । हामीले मुख्यतः फिनिसिंङमा ध्यान दिनु पर्नेछ । ’ सेमिफाइनलमा समूह ए को विजेता बंगलादेशले समूह बीको उपविजेताको सामना गर्नेछ । बुधबार हुने नेपाल र भारत बीचको खेलले समूह बीको विजेताको टुंगो लाग्नेछ ।
December 19, 2025
काभ्रे (हाम्रो खेलकुद)- आयोजना काभ्रेपलाञ्चोक साँगाको नेपाल पुलिस स्कुलले ३१औं अन्तर माध्यामिक विद्यालय आइजिपी फुटबल प्रतियोगिताको रनिङ ट्रफी जितेको छ । भक्तपुरको सैनिक आवसीय महाविद्यालयलाई १-० ले हराउँदै पुलिस स्कुलले उपाधि जितेको हो। रोनी विक्रम शाहले नवौं मिनेटमा गरेको गोल खेलको निर्णायक बन्यो। रोनी फाइनल अफ दि म्याच घोषित भए। प्रतियोगितामा पिस पोइन्ट बोर्डिङ स्कुल […]
December 19, 2025
एजेन्सी – डेभिड नेरेस र रास्मुस होयलुन्डको गोलमा नापोलीले एसी मिलानलाई २-० ले हराउँदै इटालियन सुपर कपको फाइनल पुगेको छ। नापोलीले खेलको दुवै हाफमा गोल गर्दै जित निकाल्यो। यो जितसँगै नापोलीले अब शुक्रबार हुने अर्को सेमिफाइनल बोलोन्या र इन्टरबीचको खेलको विजेतासँग फाइनल खेल्नेछ। सुपर कपको फाइनल डिसेम्बर २२ मा हुनेछ। खेलको सुरुआतमै नापोलीले अग्रता लिने […]
December 18, 2025
एजेन्सी – पेरिस सेन्ट-जर्मेन (पिएसजी) ले ब्राजिलियन टोली फ्लामेङ्गोलाई पेनाल्टीमा २-१ ले हराउँदै इन्टरकन्टिनेन्टल कप जितेको छ । पिएसजीको वर्षको यो छैटौँ उपाधि हो । पेनाल्टी सुटआउटमा परिवर्तित गोलकिपर मत्वेई सफोनोभ नायक बने । उनले लगातार ४ पेनाल्टी बचाउँदै पिएसजीको जित पक्का गरे। च्याम्पियन्स लिग विजेता पिएसजीले गत वर्ष पहिलो संस्करणको उपाधि जितेको रियल मड्रिडको […]
