default_image

7 years ago

August 25, 2017

ताजकिस्तानविरुद्धको अन्तिम तयारीका लागि नेपाली टोली जुट्यो

काठमाडौं (हाम्रो खेलकुद)– झन्डै दुई सातापछि ताजकिस्तानविरुद्ध हुने एसियन कप छनोटअन्तर्गत आफ्नो तेस्रो खेलका लागि नेपाली टोली अन्तिम तयारीमा जुटेको छ । जापानमा १० दिने भ्रमण सकेर भदौ ४ गते फर्केको टोली बिहीबारबाट तयारीमा जुटेको हो । तस्बिर: बिबेक सुबेदी जापान भ्रमणमा नपरेका ४ खेलाडीलाई पनि प्रशिक्षणमा बोलाइएको टोलीका प्रशिक्षक राजुकाजी शाक्यले जानकारी दिए । […]

18 views

0 Bookmark

काठमाडौं (हाम्रो खेलकुद)– झन्डै दुई सातापछि ताजकिस्तानविरुद्ध हुने एसियन कप छनोटअन्तर्गत आफ्नो तेस्रो खेलका लागि नेपाली टोली अन्तिम तयारीमा जुटेको छ । जापानमा १० दिने भ्रमण सकेर भदौ ४ गते फर्केको टोली बिहीबारबाट तयारीमा जुटेको हो ।

तस्बिर: बिबेक सुबेदी

जापान भ्रमणमा नपरेका ४ खेलाडीलाई पनि प्रशिक्षणमा बोलाइएको टोलीका प्रशिक्षक राजुकाजी शाक्यले जानकारी दिए । ४ जनामा रजिन धिमाल, आदित्य चौधरी, रञ्जन विष्ट र प्रिन्स जर्ज कार्की छन् ।

जापान गएका २४ भने यथावत छन् । व्यवसायिक खेलका लागि माल्दिभ्समा रहेका गोलकिपर किरण चेम्जोङ र इन्डोनेसियामा रहेका रोहित चन्दसहित ३० खेलाडीबाट ताजकिस्तानका लागि २३ खेलाडीको अन्तिम छनोट गरिने शाक्यले जानकारी दिए ।

ताजकिस्तानसँग भदौ २० मा हलचोकस्थित नेपाल एपिएफको मैदानमा प्रतिस्पर्धा हुनेछ । छनोटअन्तर्गत नेपालले घरेलु मैदानमा खेल्न लागेको यो तेस्रो खेल हो । छनोट चरणभरमा नेपालले ३ होम र ३ अवे खेल खेल्नु पर्नेछ । यसअघिका २ खेलमा नेपालले १ मा जित र अर्कोमा बराबरी गरेको थियो ।

जापान भ्रमणका दौरान नेपालले विश्वविद्यालय र अन्य क्लबसँग गरि ५ वटा मैत्रीपूर्ण खेल खेलेको थियो । जसमा नेपालले एउटामा विजयी अर्कोमा बराबरी र बाँकी तीन खेलमा हार बेहोरेको थियो । जापान भ्रमण फलदायी भएको प्रशिक्षक शाक्यको बुझाई छ ।

‘जापान भ्रमणमा केटाहरुले धेरै सिक्ने अवसर पाएका छन् । आफ्नो र टोलीको कमजोरीका बारेमा अझै बढी जान्ने अवसर मिल्यो’ उनले भने, ‘यसबाट खेलाडीहरुले स्व मुल्याड्कन पक्कै गरेको हुनुपर्दछ । मलाई विश्वास छ यो अनुभव ताजकिस्तानसँगको खेलमा काम लाग्नेछ ।’ शाक्यका अनुसार अर्को एकसाता फिटनेस प्रशिक्षण पछि अन्तिम नामावली सार्वजनिक हुनेछ ।

छनोट अन्तर्गत अघिल्लो बर्षको चैतमा फिलिपिन्ससँग ४–१ को हार बेहोरेको नेपालले जेठको अन्त्यमा घरेलु मैदानमा यमनसँग गोलरहित बराबरी खेलेको थियो । अंक तालिकामा शीर्षस्थानमा रहेको फिलिपिन्सको ६, यमनको ४, नेपालको १ र पुछारमा रहेको ताजकिस्तान अंक विहिन छ ।

नेपाली टोलीको प्रशिक्षणमा रहेका खेलाडीको नामावली

गोलकिपर – विकेश कुथु, विशाल श्रेष्ठ, एलेन न्यौपाने, किरण चेम्जोङ (विदेश)
रक्षक – विराज महर्जन, जितेन्द्र कार्की, कमल श्रेष्ठ, राजेन्द्र रावल, दीनेश राजवंशी, मानबहादुर तामाङ, अनन्त तामाङ, विमल बस्नेत, देवेन्द्र तामाङ, आदित्य चौधरी, रजिन धिमाल
मिडफिल्डर – हेमन गुरुङ, अञ्जन विष्ट, हेमन्त थापा मगर, विक्रम लामा,हेमन गुरुङ, विशाल राई, सुजल श्रेष्ठ, सुनिल बल, प्रिन्स जर्ज कार्की, रोहित चन्द (विदेश)
फरवार्ड – नवयुग श्रेष्ठ, भरत खवास, अनिल गुरुङ (कप्तान), सुमन लामा, विमल घर्ती मगर, अञ्जन विष्ट
प्रशिक्षक टोली – ग्यातुको कोजी (प्रमुख प्रशिक्षक), राजु शाक्य (प्रशिक्षक), उज्वल मानन्धर (गोलकिपर प्रशिक्षक)

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.