default_image

7 years ago

August 26, 2017

नेपाल सामू भारतलाई हराउने अर्को मौका

दिपेन्द्र पोखरेल काठमाडौं – भारतीय युवा टोलीका प्रशिक्षक बिबिआनो फर्नान्डेजले आशा गरे जस्तै नेपाल र भारतबीच साफ यू १५ फुटबल च्याम्पियनसिपको उपाधि भिडन्त हुने भएको छ । नेपाल र भारतबीच आइतबार एकअर्काको सामना गर्दैछन् । चार दिनअघि समूह ‘बी’ को अन्तिम खेलमा घरेलु टोलीलाई २–१ हराएपछि प्रशिक्षक फर्नान्डेजले पोस्ट म्याच कन्फ्रेन्समा भने, ‘घरेलु टोलीले भएकाले […]

18 views

0 Bookmark

दिपेन्द्र पोखरेल
काठमाडौं – भारतीय युवा टोलीका प्रशिक्षक बिबिआनो फर्नान्डेजले आशा गरे जस्तै नेपाल र भारतबीच साफ यू १५ फुटबल च्याम्पियनसिपको उपाधि भिडन्त हुने भएको छ । नेपाल र भारतबीच आइतबार एकअर्काको सामना गर्दैछन् ।

तस्बिर-बिबेक सुबेदी/हाम्रो खेलकुद

चार दिनअघि समूह ‘बी’ को अन्तिम खेलमा घरेलु टोलीलाई २–१ हराएपछि प्रशिक्षक फर्नान्डेजले पोस्ट म्याच कन्फ्रेन्समा भने, ‘घरेलु टोलीले भएकाले नेपालले राम्रो खेल्ने आशा गरेको छु । हामी पुनः नेपालसँग फाइनल खेल्न चाहन्छौं ।’ फर्नान्डेजले भने जस्तै फाइनल हुने भएको छ । हिजो नेपालले माल्दिभ्सलाई ४–२ र भारतले भुटानलाई ३–० ले हराउँदै फाइनल भेट पक्का गरेका थिए ।

भारतले प्रतियोगिताको बलियो दाबेदार हो । सेमिफाइनल सम्म पुग्दा भारतले आफुलाई थप प्रमाणित गरिसकेको छ । भारत मात्र यो च्याम्पियनसिपको एकमात्र अपराजित टोली हो । समूह चरणमा एकै समूहमा रहँदा भारतले नेपाललाई हराइसकेको छ । यद्दपी च्याम्पियनसिपमा भारतलाई गोल गर्ने नेपाल एक्लो टोली हो ।

भारतसँग हार्नुबाहेक नेपालले पनि च्याम्पियनसिपमा दमदार प्रदर्शन गर्दै आएको छ । यद्दपी टोलीमा केही समस्या भने छन् । यसअघि यू १६ का नाममा तीन पटक आयोजना भएको च्याम्पियनसिपमा नेपालले हराउन नसकेको भारतीय टोलीमा मात्रै हो । यसपटक पनि त्यसैले निरन्तरता पाएको छ । भारतलाई पहिलो पटक हराउने मौका फेरि एक पटक नेपाली युवा टोलीले पाएको छ ।

सन् २०११ मा नेपालमा आयोजित साफ यू १६ को पहिलो संस्करणमा नेपाल हेमन गुरुङको कप्तानीमा रहेको थियो । दशरथ रंगशालामा भएको च्याम्पियनसिपको सेमिफाइनलमा नेपाल भारतसँग पराजित भएको थियो । निर्धारित र थप समयमा १–१ को बराबरीमा भएपछि पेनाल्टीमा नेपाली टोली ४–२ ले पराजित भएको थियो ।

दोस्रो संस्करणमा हेमन्त थापा मगरको कप्तानीको टोलीलाई भारतले फाइनलमा १–० ले हराएको थियो । बंगलादेशमा भएको अघिल्लो संस्करणमा पनि नेपाल भारतबाट रोकिएको थियो । जहाँ नेपाल १–० पराजित भएको थियो ।

तर, फुटबलमा अझै दक्षिण एसियाली स्तरमा कुनै टोलीलाई हराउन असम्भव छैन । नेपालले आफुलाई उमेर समूहमा पनि प्रमाणित गरिसकेको छ । दुई बर्षअघि विमल घर्तीमगरको कप्तानीमा नेपालले साफ यू १९ च्याम्पियनसिपको उपाधि जितेको थियो ।

भारतलाई नै हराएर नेपालले च्याम्पियनसिप जितेको थियो । बालगोपाल महर्जनको प्रशिक्षणमा रहेको टोलीले फाइनलमा १–१ को बराबरीपछि टाइब्रेकरमा ५–४ ले हराएको थियो । यसपटक सुनिल श्रेष्ठको प्रशिक्षणमा रहेको नेपाली टोलीले फेरि एकपटक भारतलाई हराएर च्याम्पियन बन्ने अवसर छ ।

साफ यू १५ च्याम्पियनसिपमा नेपाल र भारतको यसपटकको प्रदर्शन

नेपाल                                                                       भारत
समूह चरण

-विरुद्ध माल्दिभ्स   ६–०                                               विरुद्ध माल्दिभ्स ९–०
-विरुद्ध भारत        १–२                                            विरुद्ध नेपाल २–१

             सेमिफाइनल

-विरुद्ध बंगलादेश   ४–२                                        विरुद्ध भुटान ३–०

           

             फाइनल

नेपालविरुद्ध भारत ??????

 

तस्बिर-बिबेक सुबेदी/हाम्रो खेलकुद

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.