7 years ago
August 26, 2017
काठमाडौं (हाम्रो खेलकुद)– आयोजक नेपाल र भारत दुवै टोलीका प्रशिक्षकले आइतबार एकअर्काको सामना गर्दै साफ यू १५ फुटबल च्याम्पियनसिपको उपाधि जित्ने दाबी गरेका छन् । समूह चरणमा एकअर्काको सामना गरिसकेका नेपाल र भारतबीच आइतबार फाइनल हुँदैछ । सातदोबाटोस्थित एन्फा मुख्यालयको कृतिम मैदानमा खेल हुनेछ । शनिबार भएको पत्रकार सम्मेलनमा नेपाली टोलीका प्रशिक्षक सुनिल कुमार श्रेष्ठले […]
काठमाडौं (हाम्रो खेलकुद)– आयोजक नेपाल र भारत दुवै टोलीका प्रशिक्षकले आइतबार एकअर्काको सामना गर्दै साफ यू १५ फुटबल च्याम्पियनसिपको उपाधि जित्ने दाबी गरेका छन् । समूह चरणमा एकअर्काको सामना गरिसकेका नेपाल र भारतबीच आइतबार फाइनल हुँदैछ । सातदोबाटोस्थित एन्फा मुख्यालयको कृतिम मैदानमा खेल हुनेछ ।
शनिबार भएको पत्रकार सम्मेलनमा नेपाली टोलीका प्रशिक्षक सुनिल कुमार श्रेष्ठले फाइनलमा हार नदोहोरिने बताएका छन् । ‘ भारतसँग समूह चरणमा आफ्नै केही गल्तीले हार्यौं । गल्ति सुधार्दै फाइनल जित्न चाहन्छौं ’ प्रशिक्षक श्रेष्ठले भने, ‘ हाम्रो खेलमा क्रमश सुधार भइरहेको छ । भारतलाई हराउनेमा आशावादी छौं । समूह चरणको हारले दबाब भन्दा पनि कमजोरी सुधार्ने मौका मिलेको अर्थमा लिएका छौं ।’
श्रेष्ठका भारतीय टोलीका प्रशिक्षक विभियानो फर्नान्डेजले नेपाललाई समूह चरणमा पराजित गरिसकेपनि फाइनल खेल पुरै फरक हुने बताए । ‘घरेलु टोली नेपालले पक्कै पनि भोलिको खेल जित्न ठूलो इफेर्ट लगाउनेछ ।
हामी पनि जित्न मेहनत नै गर्नेछौं’ प्रशिक्षक फर्नान्डेजले भने, ‘समूह चरणभन्दा फाइनल खेल पक्कै पनि गाह्रो हुने गर्दछ । नेपाललाई घरेलु दर्शकको साथ छ । खेल पक्कै पनि रोमाञ्चक र प्रतिस्पर्धात्मक हुनेछ ।’यस्तै प्रशिक्षक फर्नान्डिजले टिमको डिफेन्स लाइन बलियो रहेकाले फाइनल खेलका लागि खेलाडीहरु तयार रहेको बताए । कप्तान विक्रम प्रताप सिंहले फाइनल जित्नेमा आशावादी रहेको बताए ।
नेपाली टोलीका कप्तान रोशन थापामगरले लगातारको खेलले टोलीको प्रदर्शनमा सुधार भएकोले फाइनलमा हराउने आशा व्यक्त गरे । उनले भने, ‘हाम्रो सट पासहरुमा केही समस्या छ । त्यसलाई सुधार्न सके भारतलाई पराजित गर्न सकिन्छ ।’ प्रशिक्षक श्रेष्ठले भारत बलियो प्रतिद्वन्द्वि भएको स्वीकार्दै उनीहरुसँग कुनै पनि हालतमा गल्ती नदोहो¥याई खेल्ने बताए ।
‘हामी यसअघिको दुई संस्करण (पहिले साफ यू–१६) मा फाइनलमा भारतसँगै पराजित भैसकेका छौं । लगतारको भारतसँगको हारलाई बिर्सदै फाइनलमा उत्कृष्ट फुटबल खेल्नेछौं ’ प्रशिक्षक श्रेष्ठले भने, ‘बराम्बार भारतसँग हारेपनि हामीलाई कुनै प्रेसर छैन । अहिलेको फुटबलको नयाँ शैली अल एट्याक र अल डिफेन्स खेल्नेछौं ।’ यस्तै प्रशिक्षक श्रेष्ठले भारतविरुद्धको फाइनल खेलमा केही खेलाडीहरु परिवर्तन हुने पनि बताए । समूह चरणमा भारतले नेपाललाई २–१ ले हराएको थियो ।
आइतबार नै तेस्रो स्थानको लागि भुटानले बंगलादेशको सामना गर्नेछ । खेल हल्चोक मैदानमा दिउसा २ः३० बजे सुरु हुनेछ । भुटानका प्रशिक्षक सङजङ लीले यस प्रतियोगितामा औसतको प्रदर्शन गरेको बताए । हामी बंगलादेशसँग ३–० पराजित भैसकेका छौं ’ प्रशिक्षक लीले भने, ‘समूह चरणमा हारेपनि भोलिको खेल बिल्कुलै फरक हुनेछ ।’ यस्तै प्रशिक्षक लीले टिम शारीरिक रुपमा कमजोर रहँदा राम्रो प्रदर्शन हुन नसकेको बताए ।
यता बंगलादेशका प्रशिक्षक मुस्ताफा अनवर परवेजले भुटानी टिम शारीरिक रुपमा केही कमजोर रहेकाले त्यसको फाइदा बंगलादेशले लिने बताए । ‘भुटान यस प्रतियोगिताको राम्रो टिम हो । तर, उनीहरु शारीरिक रुपमा केही कमजोर छन् ’ प्रशिक्षक परवेजले भने, ‘समूह चरणमा पराजित गरिसकेकाले हामी भुटानलाई हराउन सक्षम छौं ।’
प्रतियोगितामा ६ दक्षिण एसियाली राष्ट्रको सहभागिता रहेको छ । यसअघि यु–१६ साफ च्याम्पियनसिप हुदै आएकोमा यस पटकदेखि यु–१५ साफ च्याम्पियनसिपको आयोजना गरेको हो ।
April 20, 2024
एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]
April 20, 2024
एजेन्सी – सेनेगली फरवार्ड साडियो मानेको उच्च प्रदर्शनमा अल नासरले साउदी प्रो लिगमा सानदार पूनरागमन जित निकालेको छ । घरेलु मैदानमा १-० ले पछि परेको स्थिति उल्ट्याएर अल नासरले अल फयामाथि ३-१ को सानदार पूनरागमन जित दर्ता गरेको हो । अल नासरको जितमा साडियो मानेले २ तथा अब्दुलेह अल एम्रीले १ गोल गरे । अल […]
April 19, 2024
एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]