7 years ago
September 1, 2017
काठमाडौं (हाम्रो खेलकुद)– नेपाल र ताजकिस्तानबीच चार दिन पछि हुने एएफसी एसियन कप छनोटको खेल हलचोकमा नभई सातदोबाटोस्थित एन्फा कम्प्लेक्सको ‘एस्ट्रो टफ’ मा हुने भएको छ । नेपाल र ताजकिस्तानबीचको खेल भदौ २० गते हुनेछ । एसियाली फुटबल महासंघ (एएफसी) को आधिकारिक प्रतियोगिताअन्तर्गत सिनियरतर्फको कुनै पनि खेल एन्फामा हुन लागेको यो पहिलो पटक हो । […]
काठमाडौं (हाम्रो खेलकुद)– नेपाल र ताजकिस्तानबीच चार दिन पछि हुने एएफसी एसियन कप छनोटको खेल हलचोकमा नभई सातदोबाटोस्थित एन्फा कम्प्लेक्सको ‘एस्ट्रो टफ’ मा हुने भएको छ । नेपाल र ताजकिस्तानबीचको खेल भदौ २० गते हुनेछ ।
एसियाली फुटबल महासंघ (एएफसी) को आधिकारिक प्रतियोगिताअन्तर्गत सिनियरतर्फको कुनै पनि खेल एन्फामा हुन लागेको यो पहिलो पटक हो । यसअघि जेठ अन्तिममा यमनसँगको खेल हल चोकस्थित एपिएफको मैदानमा भएको थियो । अखिल नेपाल फुटबल संघ (एन्फा) का प्रमुख कार्यकारी अधिकृत इन्द्रमान तुलाधरले एन्फाको मैदानमा खेलाउन एएफसीबाट स्वीकृति लिइसकेको जानकारी दिए ।
उनले सेप्टेम्बरको २० देखि २४ सम्म हलचोकमा एएफसी यू १६ को खेल गराउने तयारी भएकाले सिनियर टिमको खेल एन्फामा गराउन लागेको बताए । ‘हामीले एन्फामा अहिले सम्म खेलाएका छैनौं । यो परिक्षण पनि हो’ प्रवक्ता समेत रहेका तुलाधरले भने, ‘हलचोक र एन्फा दुईवटा मैदानमा अनुकुल हेरेर खेलाउने योजना अनुसार यसपटक यता खेलाउन लागेका हौं ।’
केहि दिनअघि एन्फामा साफ यू १५ च्याम्पियनसिप आयोजना भएको थियो भने दुई बर्षअघि सोही मैदानमा साफ यू १९ च्याम्पियनसिप भएको थियो । एसियन कप छनोटअन्तर्गत ताजिस्तानविरुद्धको खेल नेपालको तेस्रो हो ।
यसअघि का दुई खेलमध्ये नेपालले एउटामा हार र अर्कोमा बराबरी गरेको थियो । चैतमा फिलिपिन्समा ४–१ को हार बेहोरेर फर्केको नेपालले घरेलु मैदानमा यमनसँग गोलरहित बराबरी खेलेको थियो । ६ अंकसहित फिलिपिन्स शीर्षस्थानमा छ भने ४ अंक सहित यमन दोस्रो, १ अंक जोडेको नेपाल तेस्रो र अंकविहिन ताजकिस्तान पुछारमा छ ।
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]
April 25, 2024
सुर्खेत (हाम्रो खेलकुद) – महिला लिग छनोटमा कर्णाली प्रदेशले बुधबार बागमती प्रदेशलाई ३–२ ले पराजित गरेको छ । छनोटमा घरेलु टोली कर्णालीको तेस्रो खेलमा यो दोस्रो जित हो । बागमतीले भने अंकको खाता खोल्न सकेको छैन । सर्खेतस्थित कर्णाली प्रदेश रंगशालामा भएको खेलको ४१ औं मिनेटमा सुनकला राईले गोल गर्दै कर्णालीलाई अग्रता दिलाइन् । तर […]
April 25, 2024
एजेन्सी – केलियन एमबाप्पेले दुई गोलसँगै एक असिस्ट प्रदान गरेपछि पेरिस सेन्ट जर्मेन (पिएसजी) ले फ्रेन्च लिग वानमा सानदार जित दर्ता गर्दै उपाधि यात्रालाई थप मजबुत बनाएको छ । पिएसजीले रेलिगेसन क्षेत्रमा संघर्ष गरिरहेको घरेलु टोली लोरिएन्टमाथि ४–१ को सानदार जित दर्ता गर्दै लिग वानको उपाधि नजिक पुगेको हो । पिएसजीका लागि थप दुई गोल […]