7 years ago
September 24, 2017
विविध सुवेदी / दिपेन्द्र पोखरेल काठमाडौं – एएफसी यु–१६ च्याम्पियन्सिप छनोट चरणअन्तर्गत एपीएफको हलचोकस्थित रंगशालामा नेपाल प्यालेस्टाइन विरुद्ध २–१ ले हारेको छ । प्यालेस्टाइनका लागि महमोद रिदातले दुई गोल गरे भने नेपालका लागि बिर्जेश चौधरीले एक गोल गरेका थिए । तस्विर : विवेक सुवेदी / हाम्रो खेलकुद खेलको ९ औं मिनेटमा प्यालेस्टाइनका डिफेन्डर मुआथ बारहाउसले अाकाश […]
विविध सुवेदी / दिपेन्द्र पोखरेल
काठमाडौं – एएफसी यु–१६ च्याम्पियन्सिप छनोट चरणअन्तर्गत एपीएफको हलचोकस्थित रंगशालामा नेपाल प्यालेस्टाइन विरुद्ध २–१ ले हारेको छ । प्यालेस्टाइनका लागि महमोद रिदातले दुई गोल गरे भने नेपालका लागि बिर्जेश चौधरीले एक गोल गरेका थिए ।
तस्विर : विवेक सुवेदी / हाम्रो खेलकुद
खेलको ९ औं मिनेटमा प्यालेस्टाइनका डिफेन्डर मुआथ बारहाउसले अाकाश बुढा मगरलाई लडाउँदा पाएको पेनाल्टीलाई नेपालका बिर्जेश चौधरीले आरामसँग गोलमा परिणत गरेका थिए । बिर्जेशले भारत विरुद्ध पनि दुई गोल गरेका थिए ।
त्यस्तै खेलको २८ औँ मिनेटमा मिडफिल्डबाट आएको पास सदुपयोग गर्दै प्यालेस्टाइनका महमोद रिदातले गोलकिपर विशाल सुनारलाई छक्याई गोल गर्दै खेल बराबरी बनाएका थिए । सो गोल प्यालेस्टाइनको यस प्रतियोगितामा पहिलो गोल थियो । पहिलो हाफमा दुवै टोली खुलेर खेल्दै थुप्रै अवसरहरु सिर्जना गरेका थिए ।
नेपालले दोस्रो हाफको ६१ औँ मिनेटमा गोल गर्ने राम्रो अवसर पाएको थियो । डि–बक्स भित्रबाट दर्शन गुरुङले गरेको प्रहार प्यालेस्टाइनी गोलकिपर मोहम्मद हामेदले राम्रो बचाऊ गरेका थिए ।
दोस्रो हाफमा नेपाल अग्रता लिन अझ बढी प्रयासरत देखिए पनि ७५ औँ मिनेटमा प्यालेस्टाइनले काउन्टर अट्याकमा गोल गर्दै खेलमा अग्रता लिन सफल भएको थियो । काउन्टर अट्याकमा बसार सइदले बल अगाडि लग्दै महमोद रिदातलाई पास दिएका थिए । रिदातले डि–बक्सभित्र पाएको सो अवसरको राम्रो सदुपयोग गर्दै स्कोर २–१ बनाएका थिए ।
यस नतिजासँगै प्यालेस्टाइन ३ अंक बटुल्दै तेस्रो स्थानमा उक्लेपछी ५ अंक बटुलेको भारतको छनोट हुने सम्भावना बलियो बनेको छ । त्यस्तै नेपाल १ अंकसहित समूहको पुछारमा रहेको छ । इराक भने ७ अंक सहित समूह विजेताको रुपमा स्वत: छनोट भएको हो ।
समूहको पहिलो खेलमा नेपाल इराकसँग १–० ले हारेको थियो भने दोस्रो खेलमा भारतसँग २–२ को बराबरी खेलेको थियो । त्यस्तै पहिलो खेलमा भारतसँग ३–० ले हारेको प्यालेस्टाइनले दोस्रो खेलमा इराकसँग ४–० को हार बेहोरेको थियो । यस अघिको खेलमा इराक र भारतले गोलरहित बराबरी खेलेसँगै नेपालको छनोटको सम्भावना समाप्त भएको थियो । प्यालेस्टाइन भने दुई हार बेहोर्दै पहिले नै बाहिरिसकेको थियो ।
April 25, 2024
एजेन्सी – केलियन एमबाप्पेले दुई गोलसँगै एक असिस्ट प्रदान गरेपछि पेरिस सेन्ट जर्मेन (पिएसजी) ले फ्रेन्च लिग वानमा सानदार जित दर्ता गर्दै उपाधि यात्रालाई थप मजबुत बनाएको छ । पिएसजीले रेलिगेसन क्षेत्रमा संघर्ष गरिरहेको घरेलु टोली लोरिएन्टमाथि ४–१ को सानदार जित दर्ता गर्दै लिग वानको उपाधि नजिक पुगेको हो । पिएसजीका लागि थप दुई गोल […]
April 25, 2024
एजेन्सी – इंग्लिस प्रिमियर लिगको उपाधि दौडमा रहेको लिभरपुल बुधबारको खेलमा स्तब्ध भएको छ।एभर्टनले लिभरपुललाई २- ० ले हराएको छ । जितपछि एभर्टनको रेलिगेसनबाट जोगिने सम्भावना बलियो भएको छ । टोली ३३ अंकसहित १६औं स्थानमा छ। लिग जित्ने लिभरपुलको सम्भावना कमजोर बनेको छ । एभर्टनले आफ्नो घरेलु मैदानमा लिभरपुललाई सन् २०१० को अक्टोबरपछि पहिलो पटक […]
April 24, 2024
सुर्खेत (हाम्रो खेलकुद)– सुदूरपश्चिम प्रदेशले महिला लिग छनोटमा दोस्रो जित निकालेको छ । अस्मिता चौधरीको २ गोलको मद्दतमा सुदूरपश्चिमले बुधबार मधेश प्रदेशलाई ३–० ले हराएको छ । कर्णाली प्रदेश रंगशालामा भएको खेलमा पाँचौं मिनेटमा यसोदाकुमारी चिरलको गोलबाट सुदूरपश्चिमले अग्रता लिएको थियो । अस्मिताले ५१ औं र ६१ औं मिनेटमा गोल गर्दै टोलीलाई जित दिलाइन् । […]