जनाम बराल
झापा – काठमाडाैं चर्च ब्वाइज क्लब झापाको शिवसताक्षीमा जारी प्रथम दूधे गोल्डकपको फाइनलमा प्रवेश गरेका छन् । एकतर्फी बनेकाे सेमिफाइनलकाे पहिलाे खेलमा मोरङ ११ लाई ४–० काे फराकिलाे गोल अन्तरले पराजित गर्दै काठमाडाैंकाे चर्च ब्वाइज उपाधि नजिक पुगेकाे हाे ।
चर्च ब्वाइजका लागि अलसवा मेस्सीले दुई तथा अर्जुन श्रेष्ठ र अजय मार्टिनले समान १–१ गाेल गरे । खेलको १० औं मिनेटमा अर्जुन श्रेष्ठले गोल गर्दै सुरुवाती अग्रता दिलाए । ३२ औं मिनेटमा अफ्रिकन खेलाडी अलिबा मेस्सीले गोल गर्दै टिमलाई २–० को स्तिथीमा पुराए । एक पछी अर्को आक्रमण गरेको चर्च ब्वाइजको लागि खेलको ५९ औं मिनेटमा अजय मार्टिनले गोल गर्दै टिमलाई ३–० को स्तिथीमा पुर्याए ।
६८ औं मिनेटमा अलिबा मेस्सीले फ्री किक मार्फत सुदर गोल गर्दै टिमलाई फाइनलकाे बाटाे देखाए । माेरङ–११ ले कुनै पनि समय चर्च ब्वाइजकाे पाेष्टमा अाक्रमण बुन्न सकेन ।खेलको म्यान अफ द म्याच चर्च ब्वाइजका गोलकर्ता अलिबा मेस्सी घोसित भए ।
