default_image

8 years ago

September 26, 2017

सोलिडारिटी कपका विजेता टोलीलाई एन्फाले नगद पुरस्कार दियो

114 views

0 Bookmark

काठमाडौं (हाम्रो खेलकुद)– एएफसी सोलिडारिटी कप विजेता टोलीका खेलाडीलाई अखिल नेपाल फुटबल संघले आज नगद पुरस्कार वितरण गरेको छ । एन्फा कम्प्लेक्स सातदोबाटोमा आयोजित कार्यक्रममा एन्फा अध्यक्ष नरेन्द्र श्रेष्ठले टोलीका सदस्यहरुलाई जनही ३ लाख रुपैयाँ वितरण गरेका हुन् ।

नगद पुरस्कार प्राप्त गरेपछि सोलिडारिटी कपको विजेता टोली ।तस्बिर सौजन्य – एन्फा

गत वर्ष कार्तिकमा मलेसियाको कुचिङमा भएको सोलिडारिटी कपको फाइनलमा मकाउलाई १–० ले हराउँदै नेपाल च्याम्पियन बनेपछि एन्फाले पुरस्कारको घोषणा गरेको थियो । फाइनलमा सुजल श्रेष्ठले गोल गरेका थिए । सरकारले भने यसअघि नै जनही ३ लाख रुपैयाँ जनही ३ लाख रुपैयाँ प्रदान गरेको थियो ।

कार्यक्रममा एन्फा अध्यक्ष श्रेष्ठले घोषित पुरस्कार दिनमा ढिलाई भएकोमा माफी मागेका थिए । उनले टोलीले आउने दिनमा थप सफलता प्राप्त गर्ने विश्वास गर्दै सबैलाई दशैको शुभ कामना दिएका थिए । पुरस्कार पाउनेमा २३ खेलाडी,५ प्रशिक्षण टोली र व्यवस्थापक छन् ।

प्रतियोगितामा सात राष्ट्रको सहभागिता थियो । एसियाली फुटबल महासंघ (एएफसी) को आधिकारिक प्रतियोगिता नेपालले जितेको त्यो पहिलो पटक थियो । त्यहि सफलताले नेपाललाई एसियन कप छनोटमा पुनः खेल्ने मौका पाएको थियो ।

ग्वामले छनोट बाट नाम फिर्ता लिएपछि त्यो ठाँउमा एएफसीले नेपाललाई मौका दिएको थियो । अहिले नेपाल एसियन कप छनोट चरणमो पुछारमा रहेको छ । अहिले सम्मका तीन खेलमा २ खेल गुमाएको नेपालले यमनसँग बराबरी गरेको थियो ।

नगद पुरस्कार पाउने सोलिडारिटी कपमा नेपाली टोली

गोलकिपर – विकेश कुथु, किरण लिम्बु, विशाल श्रेष्ठ
रक्षक – रविन श्रेष्ठ, विराज महर्जन, विराज महर्जन, अनन्त तामाङ, दीपक गुरुङ, आदित्य चौधरी, कमल श्रेष्ठ , देवेन्द्र तामाङ, रञ्जित धिमाल
मिडफिल्ड – विशाल राई, हेमन गुरुङ, विक्रम लामा,अन्जन विष्ट, सुजल श्रेष्ठ, राजेन्द्र रावल
फरवार्ड – विमल घर्तीमगर,रञ्जन विष्ट, अनिल गुरुङ,सुमन लामा, नवयुग श्रेष्ठ, भरत खवास
प्रमुख प्रशिक्षक – ग्योटुकु कोजी
प्रशिक्षक – राजु शाक्य
गोलकिपर प्रशिक्षक – उज्वल मानन्धर
व्यवस्थापक – विराटजंग शाही

एन्फा अध्यक्ष नरेन्द्र श्रेष्ठसँग चेक ग्रहण गर्दै तत्कालिन कप्तन अनिल गुरुङ (दायाँ) ।

एन्फा अध्यक्ष नरेन्द्र श्रेष्ठसँग चेक ग्रहण गर्दै कप्तान विराज महर्जन (दायाँ) ।

एन्फा अध्यक्ष नरेन्द्र श्रेष्ठसँग चेक ग्रहण गर्दै मुख्य प्रशिक्षक जापनी ग्यातुको कोजी (दायाँ)।

एन्फा अध्यक्ष नरेन्द्र श्रेष्ठसँग चेक ग्रहण गर्दै प्रशिक्षक राजु शाक्य (दायाँ) ।

December 17, 2025

फाइनलअघि एपिएफ र इस्ट बंगालको बराबरी

काठमाडौं (हाम्रो खेलकुद)- एपिएफ र भारतको इस्ट बंगाल एफसीबीचको साफ महिला क्लब च्याम्पियनसिपको समूह चरणमा अन्तिम खेल बराबरीमा टुंगिएको छ। त्रिपुरेश्वरस्थित दशरथ रंगशालामा भएको खेलमा‌ एपिएफ र इस्ट बंगालले गोलरहित बराबरी खेलेका हुन् ।फाइनल पुगिसकेका यी दुई टोलीबीच आजको‌ नतिजाले अंक तालिकामा केही फरक‌ परेन ‌। आजको खेल फाइनलअघिको तयारको रुपमा लिइएको थियो । लिग […]

December 17, 2025

फाइनलअघि एपिएफ र इस्ट बंगाल खेल्दै

काठमाडौं (हाम्रो खेलकुद)- एपिएफ र भारतको इस्ट बंगाल एफसी दशरथ रंगशालामा जारी साफ महिला क्लब च्याम्पियनसिपमा आज खेल्दैछन् । फाइनल पुगिसकेका यी दुई टोलीबीच आज हुने खेलफाइनलअघिको तयारको रुपमा रहनेछ । लिग चरणको अन्तिम खेलअघि नै एपिएफ र इस्ट बंगालले फाइनलमा स्थान सुरक्षित गरेका थिए। एपिएफले खेलेका ३ मध्ये २ मा जित र १ मा […]

December 17, 2025

बोनमाती र डेम्बेलेलाई फिफा ‘द बेस्ट’ अवार्ड

एजेन्सी- बार्सिलोनाकी आइताना बोनमाती र पेरिस सेन्ट–जर्मेन (पिएसजी) का उस्मान डेम्बेलेफिफा ‘द बेस्ट’ फुटबल अवार्ड जितेका छन्। कतारको दोहामा मंगलवार आयोजित विशेष समारोहमा बोनमातीले लगातार तेस्रो पटक फिफा वर्षकी उत्कृष्ट महिला खेलाडी को अवार्ड जितेर नयाँ इतिहास बनाइन्। उनी लगातार तीन वर्ष यो अवार्ड जित्ने पहिलो महिला खेलाडी बनेकी हुन्। क्लब र स्पेनको राष्ट्रिय टोली […]

Success

Thank you for your time.