भद्रपुर (हाम्रो खेलकुद) – केर्खाले झापा जिल्ला एकेडेमी स्तरीय फुटबल प्रतियोगिताको उपाधि जितेको छ । आज भएको फाइनलमा काकरभिट्टा फुटबल टे«निङ सेन्टरलाई १–० ले हराउँदै केर्खा एकेडेमी स्तरीय च्याम्पियन बनेको हो ।
रोमन दनुवारले २७ औं मिनेटमा गरेको गोल नै खेलको निर्णायक बन्यो र केर्खाले उपाधि जितेको थियो । विजयी टोलीकै मनीष थापा फाइनलको म्यान अफ दी म्याच चुनिए । केर्खाले उपाधिसहित १ लाख १ हजार तथा कारकभिट्टाले ५१ हजार रुपैयाँ प्राप्त गर्यो ।
प्रतियोगितामा केर्खाका रोमन लामा उत्कृष्ट गोलकिपर, आयोजक चन्द्रगढी फुटबल एकेडेमीका राम मडी उत्कृष्ट रक्षक, सोही क्लबका रमेश राजवंशी उदयीमान खेलाडी, काकरभिट्टाका खमिर गिल्सन कन्दङ्वा उत्कृष्ट फरवार्ड, सोही क्लबका मिलाई राई उत्कृष्ट मिडफिल्डर र केर्खाका विनोद गुरुङ उत्कृष्ट प्रशिक्षक चुनिए ।
केर्खाका सौजन्य याख्या प्रतियोगिताकै सर्वोत्कृष्ट खेलाडी चुनिए भने सैनिक युथ क्लबका विकेश लिम्बु सर्वाधिक गोलकर्ता बने । मुनाल क्लब भद्रपुरद्धारा सञ्चालित चन्द्रगढी फुटबल एकेडेमीको आयोजनामा भएको प्रतियोगितामा १० वटा एकेडेमीको सहभागिता थियो । प्रतियोगिता समितिका संयोजक युगल किशोर राईले भविष्यमा पनि यस्ता प्रतियोगिता आयोजनामा निरन्तरता दिइने बताए ।
