लेगानेस (एजेन्सी) – स्पेनिश ला लिगा अन्तर्गत अग्रस्थानमा रहेको बार्सिलोनाले लेगानेसलाई ३-० ले पराजित गरेको छ । बार्सिलोनाको जितमा लुइस स्वारेजले दुई गोल गरे ।
बार्सिलोनाले खेलको २८ औं मिनेटमा लुइस स्वारेजको गोलमार्फत अग्रता लिन सफल भएको थियो । त्यस्तै ६० औं मिनेटमा खेलको आफ्नो दोस्रो गोल गर्दै स्वारेजले टोलीको अग्रता दोब्बर बनाएका थिए ।
सो गोल स्वारेजको लिग सिजनको पाँचौं गोल थियो । त्यस्तै खेलको अन्तिम मिनेटतिर मिडफिल्डर पौलिन्होले थप गोल गर्दै पूरा ३ अंक सुनिश्चित गरेका थिए ।
यो जित बार्सिलोनाको लिगमा लगातार चौथो जित हो । १२ खेलमा ३४ अंकसहित बार्सिलोनाको पहिलो स्थानमा पकड बलियो बनेको छ । लेगानेस भने १७ अंकसहित तालिकाको नवौं स्थानमा झरेको छ ।
