म्यानचेस्टर (एजेन्सी) – यस सिजन निकै राम्रो लयमा रहेको म्यानचेस्टर सिटी च्याम्पियन्स लिगको समूह ‘एफ’मा फेयेनूर्डको सामना गर्दै छ । सिटीको घरेलु मैदान एटिहाड स्टेडियममा खेलिने सो खेल नेपाली समय अनुसार १.३० बजे सुरु हुने छ ।
म्यानचेस्टर सिटीले आफ्नो समूह चरणको चारै खेल जितेको छ र १२ अंकसहित शीर्ष स्थानमा रहेको छ । त्यस्तै फेयेनूर्ड भने चारै खेल गुमाउँदै तालिकाको पछारमा रहेको छ ।
म्यानचेस्टर सिटीका लागि डिफेन्डर जोन स्टोन्स घाइते भएका छन् भने कप्तान भिन्सेन्ट कम्पनी भने मैदानमा फर्केका छन् । अर्को चरणमा प्रवेश गरिसकेको कारण आज घरेलु टोलीले आफ्नो दोस्रो रोजाईको खेलाडि खेलाउने सम्भावना रहेको छ ।
त्यस्तै अर्को प्रिमियर लिग टोली टोटनह्यामले च्याम्पियन्स लिगमा खराब लयमा रहेको बोरुसिया डर्टमन्डको सामना गर्ने छ । टोटनह्यामका डिफेन्डर टोबी एल्डरवेरल्ड घाइते छन् भने डर्टमन्डका क्रिस्टियन पुलिसिच र सोक्राटिस चोटका कारण नखेल्ने सम्भावना रहेको छ ।
च्याम्पियन्स लिगमा खेलिने आजका सम्पूर्ण खेलहरु:
बेसिक्टास विरुद्ध पोर्टो – १०.४५ बजे
स्पार्टाक मस्को विरुद्ध मारिबोर – १०.४५ बजे
सेभिल्ला विरुद्ध लिभरपुल – १.३० बजे
मोनाको विरुद्ध आरबी लेपजिग -१.३० बजे
नेपोली विरुद्ध शाख्तार डोनेस्क – १.३० बजे
एपोएल निकोसिया विरुद्ध रियल म्याड्रिड – १.३० बजे
बोरुसिया डर्टमन्ड विरुद्ध टोटनह्याम – १.३० बजे
