काठमाडौं (हाम्रो खेलकुद) – पहिलो संस्करणको चन्द्रागिरी गोल्डकपको फाइनल खेल आज खेलिँदै छ । फाइनल ‘ए’ डिभिजनको दुई प्रतिद्धन्द्धी क्लब एनआइबिएल फ्रेण्ड्स कलब र हार्भेष्ट मुन हिमालयन शेर्पा क्लबबीच हुँदैछ ।

खेल  नैकापस्थित चन्द्रागिरी नगरपालिकाको खेल मैदानमा खेलिँदै छ । कुनै पनि नकआउट फुटबल प्रतियोगितामा फ्रेण्ड्स र हिमालयन शेर्पा फाइनलमा भिड्न लागेको यो पहिलो पल्ट हो ।

प्रतियोगिताको विजेताले उपाधिसहित ५ लाख प्राप्त गर्नेछ । यस्तै दोस्रो हुने टोलीले २ लाख ५० हजार रुपैयाँ प्राप्त गर्नेछ । प्रतियोगिताको उत्कृष्ट खेलाडी र सर्वाधिक गोलकर्ताले समान ३० हजार रुपैयाँ प्राप्त गर्नेछन् ।

नैकापको ब्राइट युथ क्लबको आयोजनामा कात्तिक २८ गतेबाट भएको प्रतियोगितालाई नेपाल जनरल मार्केट (हिरो) ले मुख्य प्रायोजन गरेको हो । प्रतियोगितालाई चन्द्रागिरि नगरपालिका, युनाइटेड सिमेन्ट लगायतले पनि प्रायोजन गरेका छन् ।

दुवै टोलीको सुरुवाती ११:

हिमालयन शेर्पा : मन बहादुर तामाङ, हेमन गुरुङ, लक्ष्मण जीसी, भिसन गुरुङ, त्रिदेव गुरुङ, साहिद मोर्गन, अर्पण कार्की, अोबोला मेस्सी, चेतन थारु, दिबस उराउ, सेड्रिक आब

फ्रेण्ड्स : आशिष थाडा मगर, सेगुन, जनक कोइराला, आशिष केसी, समिर विष्ट, अनिल महर्जन, लवाल, रुमेश बर्दौला, ग्लोरी, धिराज श्रेष्ठ,
प्याट्रिक