पेरिस (एजेन्सी) – यस सिजन निकै राम्रो लयमा रहेको पेरिस सेन्ट जर्मन (पिएसजी) आज राति च्याम्पियन्समा सेल्टिकको सामना गर्दै छ । पिएसजीको घरेलु मैदानमा खेलिने सो खेल नेपाली समयअनुसार १.३० बजे सुरु हुने छ ।

घरेलु टोलीका लागि थियागो मोट्टा घाइते रहेका छन् भने थोमस म्युनियर र जुलियन ड्राक्सलर नखेल्ने सम्भावना रहेको छ । सेल्टिकका लागि एन्थोनी राल्सटोन र प्याट्रिक रोबर्ट्स घाइते रहेकाले खेलमा सहभागी हुने छैनन् ।

पिएसजीको ४ खेलमा चारै जितका साथ १२ अंक रहेको छ भने सेल्टिकको ३ अंक रहेको छ । समूह ‘बि’कै अन्य खेलमा एन्डरलेक्ट र बायर्न म्युनिख पनि भिड्दै छन् ।

त्यस्तै इङ्ग्लिस च्याम्पियन चेल्सीले समूह ‘सि’मा काराबागको सामना गर्ने छ । त्यस्तै म्यानचेस्टर युनाइटेड समूह ‘ए’मा बासेलसँग भिड्दै छ ।

आज राति च्याम्पियन्स लिगमा खेलिने अन्य खेलहरुको तालिका:

मस्को विरुद्ध बेनिफिका – १०.४५ बजे

काराबाग विरुद्द चेल्सी – १०.४५ बजे

एट्लेटिको म्याड्रिड विरुद्ध रोमा – १.३० बजे

बासेल विरुद्ध म्यानचेस्टर युनाइटेड – १.३० बजे

एन्डरलेक्ट विरुद्ध बायर्न म्युनिख -१.३० बजे

बार्सिलोना विरुद्ध युभेन्टस – १.३० बजे

स्पोर्टिङ विरुद्ध ओलम्पियाकोस – १.३० बजे