कारकभिट्टा (हाम्रो खेलकुद)– नेपाल पुलिस क्लबले मोसफलको सर्वाधिक पुरस्कार राशीको मेची नेत्रालय काकरभिट्टा गोल्ड कप फुटबल प्रतियोगितामा विजयी सुरुआत गरेको छ । कारकरभिट्टा माविको मैदानमा आज भएको खेलमा पुलिसले भारत कोलकताको सुभास चन्द्र ब्वाइज क्लबलाई ४–० ले हराएको थियो ।
जितसँगै पुलिस सेमिफाइनल पुगेको छ । राजधानीमा हिजो सम्पन्न चन्द्रागिरी गोल्ड कप फुटबल प्रतियोगिताको पहिलो खेलबाटै बाहिरिएको पुलिसको जितमा तीर्थ रानामगरले २ तथा भोला सिलवााल र तेज तामाङले समान १ गोल गरे । दुई गोल गरेका तीर्थ खेलको म्यान अफ दी म्याच घोषित भएका थिए ।
आयोजक काकरभिट्टा फुटबल ट्रेनिङ्ग सेन्टरसहित प्रतियोगितामा १० टोलीको सहभागिता रहेको छ । सर्वाधिक पुरस्कार राशी भनिएको मेची नेत्रालय काकरभिट्टाको ८ लाख १ हजार रुपैयाँ प्राप्त गर्नेछ । दोस्रो हुने टोलीले ४ लाख १ हजार रुपैयाँ पाउनेछ ।
काकरभिट्टा गोल्ड कपमा बिहीबारको खेल
एपिएफविरुद्ध अग्नी रुपन्देही
