टुरिन (एजेन्सी) – च्याम्पियन्स लिगको समूह ‘डि’ अन्तर्गत बार्सिलोना र युभेन्टस गोलरहित बराबरीमा रोकिएका छन् । समूहमा ११ अंकका साथ बार्सिलोना अन्तिम १६ मा छनोट भएको छ ।
त्यस्तै इङ्ग्लिस च्याम्पियन चेल्सी काराबागसँग ४-० ले विजयी रह्यो । चेल्सीको जितमा विलियनले दुई गोल गरे । त्यस्तै एडेन हाजार्ड र सेस्क फ्याब्रिग्यासले पनि एकएक गोल गरेका थिए । यस जितसँगै चेल्सी पनि अन्तिम १६ मा छनोट भएको छ ।
अर्को इङ्ग्लिस टोलि म्यानचेस्टर युनाइटेड भने समूह ‘ए’मा बासेलसँग १-० ले पराजित भएको छ । बासेलको लागि निर्णायक गोल कप्तान तथा डिफेन्डर म्यानुयल आकान्जीले गरे । १२ अंकका साथ समूहको शीर्षमा रहेको युनाइटेडलाई छनोट हुन अर्को खेलबाट कम्तीमा १ अंक अझै चाहिन्छ ।
गए राति खेलिएको अन्य खेलहरुको नतिजा:
सिएसकेए मस्को २-० बेनिफिका
एट्लेटिको म्याड्रिड २-० रोमा
एन्डरलेक्ट १-२ बायर्न म्युनिख
स्पोर्टिङ ३-१ ओलम्पियाकोस
