म्यानचेस्टर (एजेन्सी) – प्रिमियर लिगको दोस्रो स्थानमा रहेको म्यानचेस्टर युनाइटेड आज राम्रो लयमा रहेको ब्राइटनको सामना गर्दै छ । युनाइटेडको घरेलु मैदान ओल्ड ट्राफोर्डमा खेलिने सो खेल नेपाली समयअनुसार ८.४५ बजे सुरु हुने छ ।

म्यानचेस्टर युनाइटेडका लागि मुख्य डिफेन्डर फिल जोन्स र एरिक बाई घाइते रहेकाले क्रिस स्मलिङ र भिक्टर लिन्डेलफले डिफेन्स सम्हाल्ने सम्भावना रहेको छ । ज्लाटान इब्राहिमोभिचले पनि यस सिजनको आफ्नो पहिलो सुरुवात पाउन सक्ने छन् । भ्रमणीय टोली ब्राइटनका लागि भने पहिलो रोजाईका सबै खेलाडि फिट रहेका छन् ।

त्यस्तै अर्को बलियो टोली टोटनह्यामले वेम्ब्लीमा वेस्ट ब्रोमको सामना गर्दै छ । टोटनह्यामका लागि मुख्य डिफेन्डर टोबि एल्डरवेरल्ड घाइते रहेका छन् । प्रशिक्षकविहीन रहेको वेस्ट ब्रोमले प्रिमियर लिगमा आफ्ना पछिल्ला ४ खेल गुमाएको छ र यस खेलमा उसका क्रेग डसन चोटका कारण सहभागी हुने छैनन् ।

प्रिमियर लिगमा खेलिने अन्य खेलहरुको तालिका:

क्रिस्टल प्यालेस विरुद्ध स्टोक सिटी – ८.४५ बजे

न्युकासल युनाइटेड विरुद्ध वाटफोर्ड – ८.४५ बजे

स्वान्सि विरुद्ध बोर्नमथ – ८.४५ बजे

टोटनह्याम विरुद्ध वेस्ट ब्रोम – ८.४५ बजे

लिभरपुल विरुद्ध चेल्सी – ११.१५ बजे