काठमाडौं (हाम्रो खेलकुद) – काँकरभिट्टाले जारी मेची नेत्रालय गोल्डकपको सेमिफाइनलमा स्थान बनाउन सफल भएको छ । स्थानीय टोलीले हिमालयन शेर्पालाई १-० ले हराएको हो ।
काँकरभिट्टाका लागि खेलको २२ औं मिनेटमा निरन्जन खड्काले प्रहार गरेको फ्रिकिक गोल निर्णायक रह्यो । अब काँकरभिट्टाले सेमिफाइनलमा मनाङ मर्स्याङ्दीको सामना गर्ने छ ।
त्यस्तै हिजोको खेलमा त्रिभुवन आर्मीले पनि सेमिफाइनलमा आफ्नो स्थान बनाउन सफल भएको थियो । क्वाटरफाइनलमा सुदूरपश्चिमलाई पेनाल्टीमा हराउँदै आर्मीले अन्तिम ४ मा आफ्नो स्थान पक्का गरेको थियो ।
निर्धारित समय १-१ को स्कोरमा टुङ्गिएपछि खेल पेनाल्टीमा पुगेको थियो । पेनाल्टीमा भने आर्मीले ३-० ले बाजी मार्यो । अब आर्मीले सेमिफाइनलमा नेपाल पुलिसको सामना गर्ने छ ।
