6 years ago
December 10, 2017
म्याड्रिड (एजेन्सी) – ला लिगा अन्तर्गतको खेलमा रियल म्याड्रिडले सेभिल्लामाथि ५-० को सहज जित दर्ता गरेको छ । क्रिस्टियानो रोनाल्डोले दुइ गोल गरे भने, नाचो फरन्याण्डेज , टोनी क्रुस र आचरफ हाचिमीले पनि गोल गरे । रियलको पाँचै गोल पहिलो हाफमा भयो । घरेलु मैदानमा रियल तेस्रो मिनेटमा अग्रता लिन सफल भयो । कर्नरमा सेभिल्लाका […]
म्याड्रिड (एजेन्सी) – ला लिगा अन्तर्गतको खेलमा रियल म्याड्रिडले सेभिल्लामाथि ५-० को सहज जित दर्ता गरेको छ । क्रिस्टियानो रोनाल्डोले दुइ गोल गरे भने, नाचो फरन्याण्डेज , टोनी क्रुस र आचरफ हाचिमीले पनि गोल गरे । रियलको पाँचै गोल पहिलो हाफमा भयो ।
घरेलु मैदानमा रियल तेस्रो मिनेटमा अग्रता लिन सफल भयो । कर्नरमा सेभिल्लाका स्ट्राइकर लुइस मुरियालले सहजै क्लियर गर्नुपर्ने बल नाचोले पाएपछि उनले रियललाई अग्रता दिलाएका थिए । खेलको २३ औं मिनेटमा रियलले अग्रता दोब्बर गरे । असेन्सियोको पासमा रोनाल्डोले गोल गर्दै ला लिगामा सिजनको तेस्रो गोल गरे । त्यस्तै ३१ औं मिनेटमा पेनाल्टी मार्फत रोनाल्डोले व्यक्तिगत दोस्रो गोल गरे । जिसस नाभासले आफ्नै बक्समा मर्सेलोलाई मार्क गर्ने क्रममा ह्यान्ड गरेपछि पाएको पेनाल्टीलाई रोनाल्डोले सदुपयोग गरे । रोनाल्डोको पेनाल्टी किपरलाई ठोकिदै गोलमा परिणत भयो ।
खेलको ३८ औं मिनेटमा टोनी क्रुसले तथा ४१ औं मिनेटमा १९ वर्षिय हाचिमीले रियललाई थप गोल दिलाए । दोस्रो हाफमा कुनै गोल हुन सकेन ।
अन्य खेलहरुमा डिपार्टिभो ला कोरुनाले अलाभेसलाई १-० ले तथा भ्यालेन्सियाले सेल्टा भिगोलाई २-१ ले हरायो भने ऐबार र गेटाफेले गोलरहित बराबरी खेले । जितसंगै रियल तेस्रो स्थानमा उक्लेको छ भने भ्यालेन्सिया दोस्रोमा कायम छ ।चौथो स्थानको एथ्लेटिको म्याड्रिड र रियलसँग ५ अंकको अग्रता लिँदै शिर्षस्थानमा रहेको बार्सिलोनाले १ खेल खेल्न बाँकी छ ।
हाइलाइट्स
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]