बार्सिलोना (एजेन्सी)– बार्सिलोनाले घरेलु मैदानमा आइतबार डिपोर्टिभो ला कोरुनालाई ४–० ले हराउँदै शीर्षतालाई थप मजबुद बनाएको छ । लुइस स्वारेज तथा पौलिन्होको समान २ गोलमा बार्सिलोनाले पछिल्लो खेलमा सफलता प्राप्त गरेको थियो । यो नतिजा सामान्य देखिएपनि त्यो खेलमा केही रोचक तथ्य पनि बनेका छन् । एजेन्सीको सहयोगमा तयार पारिएका केहि रोचक तथ्य यहाँ प्रस्तुत गरिएको छ ।
१. त्यो खेलमा लियोनल मेस्सीले गोल नगरेपनि उनको प्रहार यो सिजन १४ पटक पोस्टमा लागेर फर्किएको छ ।
२. पौलिन्होले यो सिजन ला लिगामा ६ गोल गरेका छन् । यसले उनलाई ला लिगाको सबै भन्दा धेरै गोल गर्ने मिडफिल्डर बनाएको छ ।
३. बार्सिलोनाको प्रहार यस सिजन २६ पटक बारमा लागेको छ , जसमध्ये मेस्सीको १४ , लुइस स्वारेजको ४, जेरार्ड पिकेको ३, पौलिन्होको २ तथा र राकिटिक, जोर्डी अल्बा र जेरार्ड डेलेफाऊको समान १ प्रहार पोस्टमा लागेको छ ।
४. मेस्सीले यो वर्ष १५ असिस्ट गरेका छन् । ला लिगामा यो अन्य खेलाडीको भन्दा धेरै हो ।
५. सोही खेलमार्फत मेस्सीले बार्सिलोनाका लागि २ सय असिस्ट पुरा गरे ।
६. एकै बर्षमा ३ पेनाल्टी चुकाउने सामुएल इटो (२००५) त्यसपछि मेस्सी त्यो सुचिमा आउँछन् ।
७. मेस्सीले पछिल्ला ५ मध्ये ३ पेनाल्टी चुकाएका छन् ।
८. थोमस भर्मलिनले बार्सिलोनाबाट खेलेको कुनै खेल हारेका छैनन्् । उनी समावेश १५ खेलमा टोलीले १२ जित र २ बराबरी खेलेको थियो ।
