बार्सिलोना (एजेन्सी) – कोपा डेल रे मा राम्रो प्रदर्शन गरेका बार्सिलोनाका २२ वर्षे स्ट्राइकर जोसे मानुएल अर्नाइज डियाज इङ्लिस क्लब आर्सनलको नजरमा परेका छन् ।
रियल भल्लाडोलिडबाट सन् २०१७ मा बार्सिलोना पुगेका अर्नाइजले ला लिगामा भने अवसर पाएका छैनन् । बार्सिलोनाको रिजर्भ टोलीबाट खेल्दै आएका उनी त्यस टोलीका शीर्ष गोलकर्ता हुन् ।
स्पेनका मिडियाहरुका अनुसार आर्सनलका प्रशिक्षक आर्सेने वेगंरको टोली उनलाई खरिद गर्न रिलिज क्लज तिर्न तयार छ । स्पेनिस मिडिया मार्साका अनुसार आर्सनलले उनलाई जनवरीमा खरिद गर्ने प्रयास गर्नेछ ।
भल्लाडोलिडबाट बार्सिलोना पुगेका स्पेनिस फरवार्ड अर्नाइजको रिलिज क्लज १७.८ मिलियन पाउन्ड हो । आर्सनलले उनलाई खरिद गर्ने प्रयासमा रिलिज क्लज बराबरको रकम प्रस्ताव गरेपछि निर्णय अर्नाइजको हातमा हुनेछ ।
