6 years ago
December 22, 2017
काठमाडौं (हाम्रो खेलकुद) – कैलालीको धनगढीमा यसै महिना दोस्रो अन्तर्राष्ट्रिय आमन्त्रण सुदूरपश्चिम खप्तड गोल्ड कप फुटबल प्रतियोगिता आयोजना हुने भएको छ ।
सुदूरपश्चिम ११ स्पोर्टस क्लबले शुक्रबार राजधानीमा पत्रकार सम्मेलनको आयोजना गर्दै घरलु र दुई विदेशीसहित १२ टोलीको सहभागितामा पुस २१ गतेदेखि माघ ४ गते सम्म खप्तड गोल्ड कप आयोजना हुने जानकारी गराएको छ । क्लब र सिजी ग्रुपको नेपाल आइसबीच मुख्य प्रायोजनमा पनि आजै सम्झौता भएको छ । अब प्रतियोगिताको नाम दोस्रो अन्तर्राष्ट्रिय आमन्त्रण नेपाल आइस सुदूरपश्चिम खप्तड गोल्ड कप रहनेछ ।
क्लबका अध्यक्ष सुरेश हमालले प्रतियोगितालाई मोसफलकै सर्वाधिक पुरस्कार राशीको बनाउने घोषणा गरे । प्रतियोगिताको विजेताले उपाधिसहित ११ लाख ११ हजार १ सय ११ रुपैयाँ तथा दोस्रो हुने टोलीले ५ लाख ५५ हजार ५ सय ५५ रुपैयाँ प्राप्त गर्ने बताइएको छ । गत वर्ष विजेताले ५ लाख रुपैयाँ प्राप्त गरेको थियो ।
प्रतियोगिताको सर्वोत्कृष्ट खेलाडीले मोटरसाइकल पाउनेछन् । त्यस्तै उत्कृष्ट गोलकिपर, रक्षक, मिडफिल्ड, फरवार्ड, उदयमान खेलाडी, सर्वाधिक गोलकर्ता र फेयर प्ले टोलीले समान २५ हजार रुपैयाँ प्राप्त गर्नेछन् । त्यस्तै हरेक खेलेको म्यान अफ दी म्याचले १० हजार रुपैयाँ प्राप्त गर्नेछन् ।
नकआउटका आधारमा हुने प्रतियोगितामा दुई विदेशीसहित १२ टोलीको सहभागिता रहनेछ । प्रतियोगितामा रुस्लान थ्री स्टार क्लब, साविक विजेता लक्ष्मी हुन्डाई मनाङ मस्र्याङ्दी क्लब, त्रिभुवन आर्मी क्लब, नेपाल एपिएफ क्लब, सिएमजी क्लब संकटा, च्यासल युथ क्लब, रमपम झापा ११, सहारा क्लब, लुम्बिनी जगदम्बा र आयोजक सुदूरपश्चिम ११ रहेका छन् ।
त्यस्तै भुटानको ड्रुक स्टार र भारतको दिल्ली युनाइटेडले पनि प्रतियोगितामा भाग लिनेछन् । थ्री स्टारले एक वर्षपछि घरेलु फुटबलमा यहि प्रतियोगितामार्फत फर्कन लागेको हो । आयोजक क्लबका अध्इक्ष हमालले खेलकुदको विकासमा सहकार्य गरि सुदूरपश्चिमलाई खेलकुद पर्यटनको रुपमा स्थापित गरौं भन्ने मुल नाराका प्रतियोगिता आयोजना गर्न लागिएको बताए । उनले भने, सुदूर पश्चिममा राष्ट्रिय तथा अन्तर्राष्ट्रिय खेलाडी उत्पादन गर्ने यसको मुख्य उद्देश्य हो ।
May 8, 2024
काठमाडौं (हाम्रो खेलकुद) – सहिद स्मारक सि डिभिजनको सातौं चरणको पहिलो खेलमा जित दर्ता गर्दै आरसी ३२ फुटबल एकेडेमी तालिकाको शीर्ष स्थानमा उक्लिएको छ । बुधवार एन्फा कम्प्लेक्समा भएको खेलमा आरसी ३२ ले स्पोर्ट्स एकेडेमी साँगालाई २-० ले पराजित गरेको हो । आरसी ३२ को जितमा सुजन बलम्पाकी मगर र सञ्जय सुब्बाले समान १-१ गोल […]
May 8, 2024
एजेन्सी – युरोपेली च्याम्पियन्स लिगको फाइनल प्रवेशका लागि स्पेनिश टोली रियल म्याड्रिड र जर्मन टोली बायर्न म्युनिख आज भिड्दै छन् । रियलको घरेलु मैदान सान्टियागो बर्नाबेउमा हुने दोस्रो लेग आज राती १२:४५ बजे सुरु हुनेछ । बायर्नको घरेलु मैदानमा भएको पहिलो लेग २-२ को बराबरीमा सकिएको थियो । बायर्नले खेलमा रहेको अग्रता अन्तिम तिर गुमाउन […]
May 8, 2024
एजेन्सी – फ्रेन्च टोली पेरिस सेन्ट जर्मेन (पिएसजी) लाई पराजित गर्दै जर्मन क्लब बोरुसिया डर्टमुण्ड युरोपेली च्याम्पियन्स लिगको फाइनलमा प्रवेश गरेको छ । पिएसजी माथि दोस्रो लेगमा १-० सहित समग्रमा २-० को जित हासिल गर्दै डर्टमुण्ड ११ वर्ष पछि च्याम्पियन्स लिगको फाइनलमा पुगेको छ। पिएसजीको घरेलु मैदान पार्क डेस प्रिन्सेसमा भएको दोस्रो लेगमा डर्टमुण्डका लागि […]