6 years ago
December 22, 2017
पोखरा (हाम्रो खेलकुद) – छैटौं संगम कपको उपाधि पोखराको सहारा क्लबले जितेको छ । पोखरा रंगशालामा खेलिएको फाइनल खेलमा बि थटिनलाई सडन डेथमा हराउँदै सहारा क्लबले सो उपाधि जितेको हो । निर्धारित समय र बीस मिनेटको अतिरिक्त समयमा गोल हुन नसकेपछि खेल पेनाल्टी सुट-आउटमा पुगेको थियो । सुट-आउटमा घरेलु टोलीले रोमाञ्चक ९-८ ले जित हांसिल […]
पोखरा (हाम्रो खेलकुद) – छैटौं संगम कपको उपाधि पोखराको सहारा क्लबले जितेको छ । पोखरा रंगशालामा खेलिएको फाइनल खेलमा बि थटिनलाई सडन डेथमा हराउँदै सहारा क्लबले सो उपाधि जितेको हो ।
निर्धारित समय र बीस मिनेटको अतिरिक्त समयमा गोल हुन नसकेपछि खेल पेनाल्टी सुट-आउटमा पुगेको थियो । सुट-आउटमा घरेलु टोलीले रोमाञ्चक ९-८ ले जित हांसिल गर्यो । बि थटिनका विश्वास श्रेष्ठको प्रहार बाहिरिँदा उपाधि सहाराको भएको हो । विजेता टोली सहाराले उपाधिसहित ट्रफि, मेडल र प्रमाण पत्र र एक लाख २५ हजार नगद पुरस्कार प्राप्त गरेको छ । त्यस्तै उपविजेता टोली बि थटिनले ट्रफि, मेडल र प्रमाण पत्रसहित ६५ हजार नगद पुरस्कार हात पार्यो ।
प्रतियोगिताका उत्कृष्ट गोलकिपर बि थटिनका दिलिप क्षेत्री घोषित भने भने उत्कृष्ट डिफेन्डर बि थटिनकै हरी गुरुङ घोषित भए । त्यस्तै सहाराका विजय श्रेष्ठले उत्कृष्ट फरवार्डको उपाधि हात पारे भने विजेता टोलीका पियुस ह्याड्रि सर्वाधिक गोलकर्ता घोषित भए । सहाराका हेमन गुरुङले प्रतियोगिताको उत्कृष्ट खेलाडिको उपाधि जिते । भद्रकालिको समुह प्रतियोगिताकै अनुसासित टिम घोषित भएको हो । प्रतियोगितामा उत्कृष्ट हुने खेलाडीले ७ हजार, सर्वाधिक गोलकर्ता, उत्कृष्ट गोलरक्षक, उत्कृष्ट डिफेन्डर र उत्कृष्ट स्टाईकरलाई जनहि ५-५ हजार पुरस्कार प्रदान गरिएको हो ।
विजयी खेलाडीहरुलाई कास्कीका सांसद मन बहादुर गुरुङ, क्षेत्रीय फुटबल संघका अध्यक्ष खेम बहादुर गुरुङ, पोखरा लेखनाथ महानगरपालिका वडा नम्बर १३ का अध्यक्ष दर्शन लामा , क्षेत्रीय खेलकुद विकास समितिका उपाध्यक्ष एवं क्लबका बरिष्ठ सल्लाहकार सुनिल गुरुङ, सहारा क्लबका अध्यक्ष केशव बहादुर थापा, जिल्ला खेलकुद विकास समिति कास्कीका अध्यक्ष यम बहादुर गुरुङ, श्री गणेश तथा भद्रकालि सेवा समितिका अध्यक्ष टिका बहादुर कार्की, पर्यटन व्यावसायी मदन केसी लगायतले पुरस्कार वितरण गरेका हुन् ।
March 28, 2024
हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]
March 28, 2024
काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको मंगलबारको ३–० […]
March 27, 2024
एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]