म्यानचेस्टर (एजेन्सी) – प्रिमियर लिगको अग्रस्थानमा रहेको म्यानचेस्टर सिटीले आफ्नो जितको यात्रा कायम राख्दै बोर्नमथलाई ४-० को अन्तरले हराएको छ । सिटीको जितमा सर्जियो अगुएरोले दुई गोल गरेका थिए ।
खेलको २७ औं मिनेटमा फर्नान्डिन्होको पासमा गोल गर्दै अगुएरोले टोलीलाई अग्रता दिलाएका थिए । त्यस्तै रहिम स्टेर्लिङले ५३ औं मिनेटमा गोल गर्दै टोलीको अग्रता दोब्बर पारे ।
अगुएरोले बर्नार्डो सिल्भाको पासमा फेरि गोल गर्दै स्कोर ३-० बनाए भने परिवर्तित खेलाडि ड्यानिलोले स्टेर्लिङको पासमा गोल गर्दै घरेलु टोलीको जित सुनिश्चित पारे ।
यस जितसँगै सिटीको १९ खेलमा ५५ अंक रहेको छ । यो सिटीको १७ औं लगातार जित हो । बोर्नमथ भने हारसँगै तालिकाको १८ औं स्थानमा झरेको छ ।
त्यस्तै आजको पहिलो खेलमा चेल्सी र एभर्टनले गोलरहित बराबरी खेले । चेल्सी तेस्रोमा तथा एभर्टन तालिकाको नवौंमा यथावत् छन् ।
आज प्रिमियस लिगमा खेलिएका अन्य खेलहरुको नतिजा:
ब्राइटन १-० वाटफोर्ड
साउथह्याम्पटन १-१ हडर्सफिल्ड
स्टोक सिटी ३-१ वेस्ट ब्रोम
स्वान्सी १-१ क्रिस्टल प्यालेस
वेस्ट ह्याम २-३ न्यु कासल
