6 years ago
January 10, 2018
धनगढी (हाम्रो खेलकुद) – दोस्रो संस्करणको ‘नेपाल आइस सुदूरपश्चिम खप्तड गोल्ड कप’ फुटबल प्रतियोगितामा आज क्वार्टरफाइनलको खेल हुँदैछ । धनगढी रंगशालामा हुने दोस्रो क्वार्टरफाइनल खेलमा विभागीय टोली नेपाल एपीएफ क्लबले सिएमजी क्लब संकटाको सामना गर्नेछ । खेल दिउसो २ बजेपछि शुरु हुनेछ । एपीएफले प्रि–क्वार्टरफाइनलमा साहरा क्लब पोखरालाई पेनाल्टी सुटआउटमा पराजित गर्दै क्वार्टरफाइनलमा प्रवेश गरेको […]
धनगढी (हाम्रो खेलकुद) – दोस्रो संस्करणको ‘नेपाल आइस सुदूरपश्चिम खप्तड गोल्ड कप’ फुटबल प्रतियोगितामा आज क्वार्टरफाइनलको खेल हुँदैछ ।
धनगढी रंगशालामा हुने दोस्रो क्वार्टरफाइनल खेलमा विभागीय टोली नेपाल एपीएफ क्लबले सिएमजी क्लब संकटाको सामना गर्नेछ । खेल दिउसो २ बजेपछि शुरु हुनेछ ।
एपीएफले प्रि–क्वार्टरफाइनलमा साहरा क्लब पोखरालाई पेनाल्टी सुटआउटमा पराजित गर्दै क्वार्टरफाइनलमा प्रवेश गरेको थियो । संकटाले धरान फुटबल क्लबलाई पेनाल्टी सुटआउटमै पराजित गरेर अघि बढेको थियो ।
आजको खेलमा विजयी हुने टोलीले सेमिफाइनलमा आयोक सुदूरपश्चिम–११ स्पोर्टस क्लबसँग प्रतिस्पर्धा गर्नेछ । सुदूरले उद्घाटन खेलमा काठमाडौंको च्यासल युथ क्लबलाई पेनाल्टी सुटआउटमै पराजित गर्दै सेमिफाइनलमा प्रवेश गरेको थियो ।
संकटाका सिनियर खेलाडीमा विश्व अधिकारी, सुशिल लामा, सरोज दाहाल र अभिषेक रिजाल रहेका छन् भने एपीएफलाई अन्जन विष्ट, रन्जन विष्ट, नवीन लामा जस्ता नाम चलेका खेलाडीहरुको साथ छ ।
प्रतियोगिताको विजेताले उपाधि सहित ११ लाख ११ हजार १ सय ११ रुपैया तथा दोस्रो हुने टोलीले ५ लाख ५५ हजार ५ सय ५५ सय रुपैयाँ पाउनेछ । प्रतियोगिताको सर्वोत्कृष्ट खेलाडीले मोटरसाईकल प्राप्त गर्नेछन् ।
त्यस्तै टिकट काटेर खेल हेर्न आएका दर्शकहरुमध्ये गोलाप्रथामार्फत हरेक दिन मोबाइल उपहार पनि रहेको छ । प्रतियोगिताको मुख्य प्रायोजक सिजी ग्रुपको नेपाल आइस ब्राण्ड रहेको छ भने सह प्रायोजक नेपाल टेलिकम र जगदम्बा पाइप रहेका छन् ।
April 20, 2024
एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्धको एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधवार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप गुआर्डिओलाले […]
April 20, 2024
एजेन्सी – सेनेगली फरवार्ड साडियो मानेको उच्च प्रदर्शनमा अल नासरले साउदी प्रो लिगमा सानदार पूनरागमन जित निकालेको छ । घरेलु मैदानमा १–० ले पछि परेको स्थिति उल्ट्याएर अल फयामाथि ३–१ को सानदार पूनरागमन जित दर्ता गरेको हो । अल नासरको जितमा साडियो मानेले दुई तथा अब्दुलेह अल एम्रीले एक गोल गरे । अल फयाका फेसन […]
April 19, 2024
एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]