काठमाडौँ (हाम्रोखेलकुद)- ईङ्गलिस प्रिमियर लिगको चर्चित फुटबल क्लब म्यानचेस्टर युनाईटेडको नेपालस्थित आधिकारिक समर्थकहरुको समुह म्यानचेस्टर युनाईटेड सपोटर्स क्लब नेपालले यही फेब्रुअरी ३ तारिखमा ललितपुरको झम्सीखेलस्थित स्पोर्टस हाईव बारमा फुटबल फ्यान फेस्टिबल गर्ने भएको छ ।
म्यानचेस्टर युनाईटेड सपोटर्स क्लब नेपालले आफुले समर्थन गर्ने क्लबलाई स्थानिय स्तरमा प्रबद्धन गर्नको लागि कार्यक्रम आयोजना गर्न लागेको जानकारी दिएको छ । रक्त दान कार्यक्रम, फुटबल हाजिरी जवाफ, गेम शो तथा अन्य रोमान्चक खेलहरु समाबेस गरिने जानकारी क्लबका अध्यक्ष दिपेश आचार्यले जानकारी दिए । उक्त क्लबले नियमित यस प्रकारको कार्यक्रम गर्दै आएको र त्यसैलाई निरन्तरता दिदै उक्त फेस्टिबलको आयोजना गरिएको उनले बताए ।
नेपाल रेडक्रस सोसाईटीसँगको सहकार्यमा रगतको अभाव भैरहेको यो समयमा रक्तदान कार्यक्रम आयोजना गरि क्लबले सामाजिक उत्तरदायित्व पुरा गर्ने प्रयास गरिएको कार्यक्रम संयोजक बिकास भण्डारीले जानकारी दिए । नेपाल मै पहिलो पटक अन्तर फुटबल फ्यान क्लब हाजिरी जवाफ र विभिन्न मनोरन्जनात्मक खेलहरु आयोजना गरी बिजेताहरुलाई आकर्षक पुरस्कार प्रदान गर्ने कार्यक्रम रहेको जानकारी संयोजक भण्डारीले बताए ।
