काठमाडौं (हाम्रो खेलकुद)– नेपाली राष्ट्रिय फुटबल टोलीका गोलकिपर किरण चेम्जोङको मिनेर्भा पञ्जाब एफसीले इन्डियन लिग (आइलिग) आज साँझ चर्चिल ब्रर्दशको सामना गर्दैछ । चर्चिलको मैदानमा खेल नेपाली समय अनुसार साँझ ५ः४५ बजे सुरु हुनेछ ।

 

 

किरणले डेब्यू गरेयता मिनेर्भा पराजित भएको छैन । शनिबार किरणले डेब्यू गरेको खेलमा मिनेर्भाले निरोकालाई १–० ले हराएको थियो । मंगलबार इष्ट बंगालसँगको खेलमा भने मिनेर्भा २–२ को बराबरीमा रोकिएको थियो ।

किरणको टोलीले २–० को अग्रतालाई जोगाउन नसक्दा बराबरीमा चित्त बुझाउनु परेको थियो । खेलमा विपक्षीको पेनाल्टी रोक्न सफल किरण म्यान अफ दी म्याच घोषित भएका थिए ।

शीर्ष स्थानमा रहेको मिनेर्भाको २६ अंक छ । एक खेल बढी खेलेको चर्चिलको २० अंक छ । १३ खेल खेलेको निरोकाको २४ अंक छ । १० टोली रहेको आइ लिगमा चर्चिल १० अंकसहित अंक तालिकाको पुछारमा छ ।

किरण लगातार दोस्रो वर्ष विदेशी क्लबमा खेलिरहेका छन् । उनले गत वर्ष माल्दिभ्सको टिसी स्पोर्टसबाट व्यावसायिक फुटबल खेलेका थिए । उनीसँगै राष्ट्रिय टोलीका स्ट्राइकर विमल घर्ती मगर पनि आइ लिगको अर्को टोली मोहन बगानमा आबद्ध भएका छन् ।

सिलोङ लाजोङसँग भोली हुने खेलमा विमलले डब्यू गर्ने सम्भावना रहेको छ । सिलोङबाट केहि वर्ष अघि नेपाली टोलीका पूर्व कप्तान अनिल गुरुङले खेलेका थिए ।