default_image

6 years ago

March 1, 2018

चितवनमा थ्री स्टार र मनाङको भिडन्त

चितवन (हाम्रो खेलकुद)– घरेलु फुटबलका दुई चर्चित क्लब रुस्लान थ्री स्टार क्लब र लक्ष्मी हुन्डाई मनाङ मस्र्याङ्दी क्लबबीच १३ औं टुबोर्ग विकास रनिङ शिल्डको सेमिफाइनलमा आमना सामना हुँदैछ । एक महिना भन्दा केही दिनका बीचमा यी दुई टोलीबीच प्रतिस्पर्धा हुँदैछ । माघ १२ गते मदन भण्डारी स्मृति इटहरी गोल्डकप फुटबल प्रतियोगिताको फाइनलपछि यी दुई टोलीबीच […]

24 views

0 Bookmark

चितवन (हाम्रो खेलकुद)– घरेलु फुटबलका दुई चर्चित क्लब रुस्लान थ्री स्टार क्लब र लक्ष्मी हुन्डाई मनाङ मस्र्याङ्दी क्लबबीच १३ औं टुबोर्ग विकास रनिङ शिल्डको सेमिफाइनलमा आमना सामना हुँदैछ । एक महिना भन्दा केही दिनका बीचमा यी दुई टोलीबीच प्रतिस्पर्धा हुँदैछ ।tsc mmc

माघ १२ गते मदन भण्डारी स्मृति इटहरी गोल्डकप फुटबल प्रतियोगिताको फाइनलपछि यी दुई टोलीबीच पहिलो पटक भेट हुँदैछ । डेढ वर्षपछि घरेलु फुटबलमा पुनरागमन गर्दै पहिलो उपाधि जित्दा थ्री स्टारले इटहरीमा मनाङलाई हराएको थियो । मनाङ भने त्यसपछिका कुनै पनि नकआउट प्रतियोगितामा फाइनल पुग्न सकेको छैन ।

थ्री स्टारले भने इटहरीसहित लगातार ४ वटा नकआउट फुटबल प्रतियोगिताको फाइनल खेल्यो । जसमा इटहरी र धरानको बुढासुब्बा रेडबुल गोल्डकपको उपाधि जित्यो । पुनरागमनपछिको आठौं प्रतियोगिता खेलिरहेको थ्री स्टार र मनाङ दुवैले हेटौंडामा भने राम्रो नतिजा निकाल्न सकेनन् ।

मनाङ इटहरीपछि पोखराको आहा रारा गोल्डकप, बुढासुब्बामा पनि धेरै अघि बढ्न सकेन । जसका कारण टोलीले नवौं सिमरा गोल्डकपमा टोलीलाई आराम दियो । हेटौंडा गोल्डकपमार्फत पुनरागमन गर्दा नी टोलीको नतिजा सन्तोषजनक हुन सकेन । यता चितवनमा भने दवै टोली एक एक खेल जित्दै सेमिफाइनलमा भिड्दैछन् ।

कुनै समयमा राजधानीमा यी दुई टोली दशरथ रंगशालामा उत्रदा त्रिुपरेश्वरमा दर्शकको ठूलो घुइचो लाग्ने गरेको थियो । मनाङ र थ्री स्टार दुवै वर्षको तेस्रो उपाधिको खोजीमा छन् । मनाङ र थ्री स्टाररसँगै यो सिजन नेपाल पुलिस क्लबले समान २ उपाधि जित्दा त्रिभुवन आर्मी क्लबले भने ६ वटा नकआउट उपाधि जितिसकेको छ ।

मनाङले चितवनमै जेसिज कप र दुवही गोल्डकपको उपाधि जितेपछि तीन वटा फाइनल गुमाएको थियो । जसमा सताक्षी गोल्डकप, मेत्री नेत्रालय काकररभिट्टा गोल्डकप र इटहरी गोल्ड कप छन् । बाँकी प्रतियोगितामा टोली धेरै अघि बढ्न सकेन । थ्री स्टारले भने यसअघि ७ प्रतियोगिता खेल्दा ४ वटा फाइनल खेलेको थियो ।

दुवै टोलीका प्रशिक्षक आजको खेलमा सफलता प्राप्त गर्नेमा आशावादी छन् । मनाङका प्रशिक्षक छिरिङ लोप्साङले एक साताको अभ्यासपछि टोली केहि सेट भएकोले सफल नतिजाको आशा गर्न सकिने बताए । ‘हाम्रो स्टपर र स्ट्राइकर हरेक खेलमा परिवर्तन हुँदा सोचे जस्तो प्रदर्शन गर्न सकेनौं,’ उनले भने, ‘हामी अरुले राम्रो खेलेर भन्दा पनि आफ्नै गल्तिका कारण हारेका छौं । आज त्यो गल्ति दोहोराउन हुन्न भन्नेमा दृढ छौं ।’

थ्री स्टारका प्रशिक्षक मेघराज केसीले पहिलो खेलमा विदेशी र जुनियर खेलाडीलाई उतार्दै सफल नतिजा निकालेका थिए । आजको खेलमा निराजन खड्का, सुनिल बल र बुद्ध चेम्जोङ फर्कदैछन् । १८ खेलाडी मात्र दर्ता गराउन पाउने हुँदा पहिला दर्ता नगराइएका रक्षक अनन्त तामाङ र रजिन धिमालले आज खेल्ने छैनन् । त्यसका वावजुद पनि सफलता प्राप्त गर्नेमा केसी आशावादी छन् ।

‘थ्री स्टार र मनाङ भनेका घरेलु फुटबलका सदाबहार बलिया टोली हुन् । हामी जति सक्दो राम्रो गर्ने कोशिसमा हुनेछौं,’ केसीले भने, ‘यहाँ राम्रै नतिजाका साथ फर्कनेमा हामी दृढ छौं । मनाङ र थ्री स्टारबीचको विजेताले नारायणगढको क्याम्पाचौरमा जारी प्रतियोगितामा शनिबार फाइनलमा एपिएफको सामना गर्नेछ । ‘

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.