8 years ago
May 3, 2018
काठमाडौं (हाम्रो खेलकुद)– काठमाडौं जिल्ला अदालतले अन्तरिम आदेश जारी गर्नु नपर्ने भनेसँगै दुई दिन पछिका लागि तय अखिल नेपाल फुटबल संघ (एन्फा) को निर्वाचन हुने पक्का भएको छ । बैशाख २२ गते (शनिबार) का लागि तोकिएको एन्फाको निर्वाचन प्रक्रिया विधान सम्मत नभएको उल्लेख गर्दै रोक्न अन्तरिम आदेशको मागसहित सरोकारवाला समूहले बिहीबार काठमाडौं जिल्ला अदालतमा रिट दायर गरेको थियो ।
एन्फा अध्यक्षका उम्मेदवार मणी कुँवर र कर्मा छिरिङ शेर्पा (दायाँ) ।
रमेशराज पोखरेलको एकल इजलासले शुक्रबार उच्च अदालत पाटनको आदेशले स्थगत भएको निर्वाचन अगाडि थालनी गरेको निर्वाचन प्रक्रिया अनुरुप पुनः मिति तोकी निर्वाचन गराउन निर्वाचन समितिले सक्ने देखिएको र उम्मेदवारको अन्तिम नामावली समेत प्रकाशित भइसकेकोले अन्तरिम आदेश जारी गर्न परेन भन्ने निर्णय गरेको छ ।
सहित एन्फाका कोषाध्यक्ष एवं काठमाडौं जिल्ला फुटबल संघका अध्यक्ष बिराटजंग शाहीसहितले रिट दायर गरेका थिए । उनीहरूले राष्ट्रिय खेलकुद परिषद्, एन्फा,एन्फाको निर्वाचन समितिलाई विपक्षी बनाएर रिट दायर गरेका हुन् ।
रिट दायर गर्नेहरुमा एन्फा केन्द्रिय सदस्य एवंम् कञ्चनपुर जिल्ला फुटबल संघका अध्यक्ष गणेशबहादुर चन्द, बाराका अध्यक्ष महम्मद समीउल्लाह, सिरहाका प्रवीणकुमार यादव, पर्साका मानदेव हजारा, ललितपुरका पुरुषोत्तम थापा, कैलालीका मोहित कुमार शाह र सातदोबाटो युथ क्लबका सदस्य अशोक विष्ट छन् । जिल्ला अदालतले राखेपसहित विपक्षीहरुलाई १५ दिन भित्र लिखित जवाफ पेश गर्न समेत आदेश गरेको छ ।
यसअघि चैत १४ का लागि तय भएको निर्वाचन उच्च अदालत पाटनको अन्तरिम आदेशका कारण स्थगित भएको थियो । मकवानपुर र भक्तपुरका तत्कालिन पदाधिकारीले आफुहरुलाई समावेश गरेर मात्र एन्फा निर्वाचन हुनुपर्ने भन्दै मुद्दा दायर गरेका थिए । उच्च अदालतले बैशाख १२ गते आन्तरिम आदेश खारेज गरेपछि निर्वाचनको बाटो खुलेको थियो ।
सोही अनुसार निर्वाचन समितिले शनिबारका लागि निर्वाचन मिति तोकेको थियो भने एन्फाले सम्बन्धित सबैलाई पत्राचार गरेको थियो । एन्फा अध्यक्षका उम्मेदवार मणी कुँवरले बुधबार पत्रकार सम्मेलन गर्दै एन्फा निर्वाचन विधान समेत नभएको जीकिर गरेका थिए । एन्फाका वरिष्ठ उपाध्यक्ष मणी कुँवर र पूर्व उपाध्यक्ष कर्मा छिरिङ शेर्पा प्यानलसहित एन्फा निर्वाचनमा रहेका छन् ।
एन्फा अन्तर्गतका जिल्ला, क्लब र समितिका २ सय बढी प्रतिनिधिको सहभागिता रहने साधारण सभामा ७७ सँग पदाधिकार रहेको छ । ४५ जिल्लाका समान १, १४ ए डिभिजनका क्लबलका समान १, बी डिभिजनबाट ९, सी डिभिजनबाट ५ तथा विभिन्न चार समिति (खेलाडी, रेफ्री, प्रशिक्षक र महिला) का समान १ गरि ७७ जनाले एन्फा निर्वाचनमा मतदान गर्नेछन् ।
चार वर्षका लागि हुने निर्वाचनले १७ सदस्यमध्ये अध्यक्षसहित १६ जनाको चयन गर्ने गर्नेछ । जसमा १ अध्यक्ष, ४ उपाध्यक्षा ११ सदस्य छन् । एक महिलना सदस्य भने यसअघि नै निर्वारोध भइसकेकी छिन् ।
December 19, 2025
काभ्रे (हाम्रो खेलकुद)- आयोजना काभ्रेपलाञ्चोक साँगाको नेपाल पुलिस स्कुलले ३१औं अन्तर माध्यामिक विद्यालय आइजिपी फुटबल प्रतियोगिताको रनिङ ट्रफी जितेको छ । भक्तपुरको सैनिक आवसीय महाविद्यालयलाई १-० ले हराउँदै पुलिस स्कुलले उपाधि जितेको हो। रोनी विक्रम शाहले नवौं मिनेटमा गरेको गोल खेलको निर्णायक बन्यो। रोनी फाइनल अफ दि म्याच घोषित भए। प्रतियोगितामा पिस पोइन्ट बोर्डिङ स्कुल […]
December 19, 2025
एजेन्सी – डेभिड नेरेस र रास्मुस होयलुन्डको गोलमा नापोलीले एसी मिलानलाई २-० ले हराउँदै इटालियन सुपर कपको फाइनल पुगेको छ। नापोलीले खेलको दुवै हाफमा गोल गर्दै जित निकाल्यो। यो जितसँगै नापोलीले अब शुक्रबार हुने अर्को सेमिफाइनल बोलोन्या र इन्टरबीचको खेलको विजेतासँग फाइनल खेल्नेछ। सुपर कपको फाइनल डिसेम्बर २२ मा हुनेछ। खेलको सुरुआतमै नापोलीले अग्रता लिने […]
December 18, 2025
एजेन्सी – पेरिस सेन्ट-जर्मेन (पिएसजी) ले ब्राजिलियन टोली फ्लामेङ्गोलाई पेनाल्टीमा २-१ ले हराउँदै इन्टरकन्टिनेन्टल कप जितेको छ । पिएसजीको वर्षको यो छैटौँ उपाधि हो । पेनाल्टी सुटआउटमा परिवर्तित गोलकिपर मत्वेई सफोनोभ नायक बने । उनले लगातार ४ पेनाल्टी बचाउँदै पिएसजीको जित पक्का गरे। च्याम्पियन्स लिग विजेता पिएसजीले गत वर्ष पहिलो संस्करणको उपाधि जितेको रियल मड्रिडको […]
