6 years ago
May 9, 2018
दिपक बोहोरा यासोक पाँचथर– चर्च ब्वाइज काठमाडौंले कुम्मायक कुसायक गोल्डकप फुटबल प्रतियोगिताको उपाधि जितेको छ । भूवन बस्नेतको निर्णायक गोलमा काठमाडौको सुन्धारा क्लबलाई २–१ ले हराउँदै चर्च ब्वाइजले जिल्लाको सर्वाधिक पुरस्कार राशीको गोल्डकप जितेको हो । चर्च ब्वाइजका लागि अर्को गोल सुनिल खड्काले गरे । सुन्धाराका लागि खमीर गिल्सन कन्दङवाले गोल गरे । झापा ११ […]
दिपक बोहोरा
यासोक पाँचथर– चर्च ब्वाइज काठमाडौंले कुम्मायक कुसायक गोल्डकप फुटबल प्रतियोगिताको उपाधि जितेको छ । भूवन बस्नेतको निर्णायक गोलमा काठमाडौको सुन्धारा क्लबलाई २–१ ले हराउँदै चर्च ब्वाइजले जिल्लाको सर्वाधिक पुरस्कार राशीको गोल्डकप जितेको हो ।
चर्च ब्वाइजका लागि अर्को गोल सुनिल खड्काले गरे । सुन्धाराका लागि खमीर गिल्सन कन्दङवाले गोल गरे । झापा ११ का अधिकांश खेलाडी उतारेको सुन्धारा फाइनलमा भने असफल रह्यो । पृथ्बी माविको मैदानमा सुनिलको गोलबाट चर्च ब्वाइजले १३ औं मिनेटमा खेलमा अग्रता लिएको थियो ।गोलकिपरकिपर किशोर गिरी अगाडी बढेको मौकाको फाइदा उठाउँदै सुनिलले गोल गरेका हुन् ।
२७ औं मिनेटमा सुन्धाराका लागि खमिरले बराबरी गोल फर्काए । विपक्षी किपर अघि बढेको अवस्थामा हेडमार्फत उनले गोल गरेका थिए । ६५ औं मिनेटमा चर्च ब्वाइजका भूवनको गोल खेलेको निर्णायक बन्यो । म्यान अफ दी म्याच चुनिएका चर्च ब्याइजका सुशिल राईले ५ हजार रुपैयाँ प्राप्त गरे ।
सुन्धाराका प्रशिक्षक चन्द्र लिम्बुले खेलाडीको समन्वयन अभावमा उपाधि गुमाउनु परेको बताए । सुरुवाती अग्रताकै कारण टोली उपाधि जित्न सफल भएको चर्च ब्याइजका प्रशिक्षक रुबेन राईले बताए । चर्च ब्याइजले उपाधिसहित ३ लाख ११ हजार र सुन्धाराले १ लाख ५५ हजार रुपैयाँ प्राप्त गर्यो ।
सुन्धाराका कर्ण लिम्बु सर्वोत्कृष्ट खेलाडी घोषित भएको प्रतियोगितामा सोही क्लबका खमिर सर्वाधिक गोलकर्ता बने । त्रिशाली मेलाको अवसर पारेर आयोजना भएको बैशाख २० गते बाट सुरु भएको प्रतियोगितामा ८ टोलीको सहभागिता थियो ।
प्रतियोगिताका उत्कृष्ट
विधा नाम क्लब पुरस्कार राशी
सर्वोत्कृष्ट खेलाडी कर्ण लिम्बु सुन्धारा १५ हजार
सर्वाधिक गोल कर्ता खमिर गिल्सन कन्दङवा सुन्धारा १० हजार
उत्कृष्ट गोलकिपर सुर्य अधिकारी चर्च ब्याइज ८ हजार
उत्कृष्ट रक्षक विशाल गुरुङ सुन्धारा ८ हजार
उत्कृष्ट मिडफिल्ड पुजन उपरकोटी सुन्धारा ८ हजार
उत्कृष्ट फरवार्ड भूवन बस्नेत चर्च ब्याइज ८ हजार
उत्कृष्ट प्रशिक्षक रुबेन राई चर्च ब्याइज ८ हजार
April 20, 2024
एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]
April 20, 2024
एजेन्सी – सेनेगली फरवार्ड साडियो मानेको उच्च प्रदर्शनमा अल नासरले साउदी प्रो लिगमा सानदार पूनरागमन जित निकालेको छ । घरेलु मैदानमा १-० ले पछि परेको स्थिति उल्ट्याएर अल नासरले अल फयामाथि ३-१ को सानदार पूनरागमन जित दर्ता गरेको हो । अल नासरको जितमा साडियो मानेले २ तथा अब्दुलेह अल एम्रीले १ गोल गरे । अल […]
April 19, 2024
एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]