6 years ago
August 26, 2018
टुरिन (एजेन्सी)– रियल म्याड्रिडबाट यहि सिजन युभेन्ट्स पुगेका स्टार क्रिस्टियानो रोनाल्डो नयाँ क्लबमा लगातार दुई खेलमा गोल गर्न असफल भएका छन् । युभेन्ट्सका प्रशिक्षक मासिमिलियानो एलिग्रीले रोनाल्डो बचाउ गर्ने क्रममा समर्थकलाई धर्यता राख्न अनुरोध गरेका छन् ।
मिरालिम प्यानिच र मारियो मान्जुकिचको गोलमा इटालियन लिगको साविक विजेता युभेन्ट्सले शनिबार लाजियोलाई २–० ले हराएको थियो । त्यो खेल रोनाल्डोका लागि घरेलु मैदानमा डेब्यूका रुपमा रहेको थियो । लिगका दुवै खेलमा रोनाल्डो गोल गर्न असफल भएपनि टोली भने शत प्रतिशत नतिजा निकाल्न सफल भएको थियो । पाँच पटकका बालोन डी ओर विजेता रोनाल्डोलाई टोलीमा कसरी घुलमिल गराउने भन्नेमा प्रयासरत छन् ।
‘भर्खर सुरुवात भएको छ । रोनाल्डोको घरेलु मैदानमा भएको डेब्यूलाई लिएर समर्थक निकै उत्साहित थिए । तर, हामीले अझै केहि धर्यता देखाउन आवश्यक छ,’ एलिग्रीले भने, म यस कारण खुसी छु की हामीले महत्वपूर्ण खेल हरु जितेका छौं ।’ लाजियोसँग खेल्न सहज नहुने उल्लेख गर्दै एलग्रीले थपे,’ उनीहरु काउन्टर अट्याकमा राम्रो थिए । तर , हाम्रा दुई सेन्टर ब्याकले राम्रो प्रदर्शन गरे । रोनाल्डोलाई कसरी तालमेल मिलाउने भन्नेमा हामी प्रयासरत छौं ।’
लाजियोका प्रशिक्षक सिमोने इन्जाघीको टोलीले सिजनका सुरुवाती दुई खेल नै गुमाएको छ । पहिलो खेलमा टोली नेपोलीसँग पराजित भएको थियो । ‘हामीले भविष्यमा राम्रो गर्नुपर्ने आवश्यकता छ । अहिलेका कमजोरीलाई विश्लेषण गर्नुपर्ने हुन्छ,’ इन्जाघीले भने, ‘हामीले युभेन्ट्ससँग पनि राम्रो खेल्यौं । तर, हामीले अझै राम्रो खेल्न जरुरी छ । अन्यथा नतिजा निकाल्न कठिन हुनेछ ।’ इन्जाघीले गत सिजन ९० भन्दा बढी अंक बटुल्ने दुई टोलीसँग यो सिजनमा पराजित भएको प्रसंग उल्लेख गर्दे भने, ‘हामीले पछिल्ला दुई खेलमा गरेको प्रदर्शनमात्र आउने दिनका लागि पर्याप्त हुने छैन ।’
May 14, 2024
एजेन्सी – इंग्लिश प्रिमियर लिगको २०२३/२४ सिजनको उपाधिका लागि महत्वपूर्ण खेलमा आज म्यानचेस्टर सिटीले टोटेनहम हटस्परको घरेलु मैदानको यात्रा गर्दैछ । खेल आज राति १२:४५ बजे टोटेनहम हटस्पर स्टेडियममा सुरु हुनेछ । लगातार चार पटक उपाधि जित्ने लक्ष्यमा रहेको म्यानचेस्टर सिटीले आजको खेल जित्नै पर्ने दवाव रहेको छ । दोस्रो स्थानमा रहेको सिटी आर्सनल भन्दा […]
May 14, 2024
काठमाडौं (हाम्रो खेलकुद) – आरसी ३२ फुटबल एकेडेमी जारी सहिद स्मारक सि डिभिजन लिगको शीर्ष स्थानमा उक्लिएको छ । अयोग्य खेलाडी खेलाएको भन्दै एन्फाले अंक घटाएपनी मंगलबार भएको खेलमा झम्सिखेल युथ क्लब माथि २-० को जित निकाल्दै आरसी ३२ शीर्ष स्थानमा पुगेको हो । आरसी ३२ का लागि खेलको पाँचौं मिनेटमा सुजन बलाम्पकी मगरले सुरुवाती […]
May 14, 2024
काठमाडौं (हाम्रो खेलकुद) – विश्व कप छनोटको दोस्रो चरणअन्तर्गत युएइविरुद्धको खेलका लागि नेपाली राष्ट्रिय फुटबल टोलीको २८ सदस्यीय प्रारम्भिक टोलीको घोषणा भएको छ । अखिल नेपाल फुटबल संघ (एन्फा) ले मंगलबार आफ्नो सामाजिक सन्जालमार्फत टोलीका मुख्य प्रशिक्षक भिन्सेन्जो अल्बर्टो एनेसेले मंगलबार प्रारम्भिक टोलीको टोलीको गरेको जनाएको छ । नेपाल र युएइबीच जेठ २४ गते दशरथ […]