एजेन्सी – युरोपेली च्याम्पियन्स लिग अन्तर्गत बुधबार समूह चरणअन्तर्गत समूह ‘ई’ देखि ‘एच’ सम्मको पहिलो खेल हुँदैछ ।

समूह ‘ई’ मा आम्स्टरड्यामस्थित मैदानमा आयाक्सले एईके एथेन्सलाई निम्त्याउनेछ । उक्त खेल नेपाली समयअनुसार १०:४० बजे हुनेछ । त्यसै समूहको अर्को खेलमा जर्मन टोली बायर्न म्युनिख पोर्चुगलको बेन्फिका एफसीको मैदानमा उत्रनेछ । खेल १२:४५ बजे सुरु हुनेछ । समूह ‘एफ’ मा पनि १०:४० बजे एउटा खेल हुँदैछ । जर्मन क्लब होफेनहाइमले शाख्तर डोनेस्कको चुनौती स्वीकार्नेछ । समूहको अर्को खेलमा भने म्यानचेस्टर सिटीले फ्रान्सेली क्लब लिओनसँग खेल्नेछ । खेल रातको १२:४५ बजेलाई तोकिएको छ ।

डिफेन्डीङ च्याम्पियन समेत रहेको रियल म्याड्रिडले समूह ‘जी’ को पहिलो खेलमा एएस रोमको सामना गर्नेछ । पछिल्लोपटक रोमा सेमिफाइनल प्रवेश गरेको थियो । समूहको अर्को खेलमा भिक्टोरिया प्लेजनले सीएसकेए मस्कोलाई निम्त्याउनेछ। समूह ‘एच’ मा युभेन्ट्सले भ्यालेन्सियासँग खेल्नेछ । म्यानचेस्टर युनाइटेड सुखद सुरुआत गर्ने लक्ष्यसहित स्विटजर्ल्यान्डको योङ ब्वाइजसँग खेल्नेछ । समूहको ‘जी’ र ‘एच’ को सम्पूर्ण खेल रातको १२:४५ बजे हुनेछ ।

खेल हुने नेपाली समय :

शाख्तर डोनेस्क विरुद्ध होफेनहाइम – रातको १०:४० बजे

आयाक्स विरुद्ध एइके एथेन्स – रातको १०:४० बजे

बेन्फिका विरुद्ध बायर्न म्युनिख- रातको १२:४५ बजे

म्यानचेस्टर सिटी विरुद्ध लिओन – रातको १२:४५ बजे

रियल म्याड्रिड विरुद्ध रोमा – रातको १२:४५ बजे

भोक्टोरिया प्लेजन विरुद्ध सीएसकेए मसो – रातको १२:४५ बजे

भ्यालेन्सिया विरुद्ध युभेन्ट्स – रातको १२:४५ बजे

योङ ब्वाइज विरुद्ध म्यानचेस्टर युनाइटेड – रातको १२:४५ बजे