काठमाडौं (हाम्रो खेलकुद)-  राजधानीमा आजबाट शुरु भएको एएफसी यु–१६ महिला च्याम्पियनसिपको पहिलो खेलमा नेपाल पराजित भएको छ । नेपालको यु–१६ टोली फिलिपिन्सको यु–१६ टिमसँग ४–० ले पराजित भएको हो ।

हल्चोकस्थित नेपाल एपीएफ क्लबको खेल मैदानमा बुधबार भएको खेलमा नेपालले कुनै पनि समय फिलिपिन्सको पोस्टमा आक्रमण बुन्न सकेन । फिलिपिन्सको जितमा कप्तान मारिया लाजोले दुई तथा मिकाइला भिलासिन र सिमोन्स्ले समान १ गोल गरिन् ।

लगातार दवावमा खेलेको नेपालले फिलिपिन्सलाई पहिलो हाफमा २–० ले पछि परेको थियो । कप्तान मारयाले ४२ औं र पहिलो हाफको इन्जुरी समयमा गोल गरेपछि नेपषल पहिलो हाफमा २–० ले पछि परेको थियो ।

दोस्रो हाफमा पनि नेपालले दुई गोल खान पुग्यो । ७५औं मिनेटमा सिमोनसले गोल गर्दै खेललाई ३–० मो पु¥याएको थियो । ८५औं मिनेटमा भिलासिनले गोल गरेपछि नेपाल खेलमा ४–० ले पराजित हुन पुग्यो । बुधबारै भएको पहिला खेलमा म्यानमारले मलेसियामाथि ३–० को सहज जित निकाल्यो ।

तीनै गोल दोस्रो हाफमा भएको थियो । म्यानमारकी म्याट नोइ खिनले ह्याट्रिक पूरा गरिन् । नेपालले शुक्रबार म्यानमारसँग खेल्नेछ । सोही दिन फिलिपिन्स र मलेसियाले खेल्नेछ । छनोटको अन्तिम खेलमा नेपालले मलेसियासंग सेप्टेम्बर २३ मा खेल्नेछ ।

सोही दिन फिलिपिन्स र म्यानमाबीच खेल हुनेछ । समूह ‘इ’ को छनोटमा आयोजक नेपालसहित मलेसिया, म्यानमार र फिलिपिन्स रहेको छ । हरेक समूहका शीर्ष दुई टोलीले सन् २०१९ मा थाइल्यान्डमा आयोजना हुने एएफसी यु–१६ प्रतियोगितामा स्थान बनाउनेछ । उत्तर कोरिया, दक्षिण कोरिया र जापानले स्थान बनाइसकेका छन् ।