काठमाडौं (हाम्रो खेलकुद)– नेपालले भुटानमा आयोजना हुने यू १८ महिला साफ च्याम्पियनसिपमा चुनौति पेश गर्ने भएको छ । अखिल नेपाल फुटबल संघ (एन्फा) ले भुटान जाने लागेको टोलीलाई बुधबार विदाई गरेको छ ।

शुक्रबारदेखि सुरु हुने च्याम्पियनसिपमा नेपाल आयोजक भुटानसहित दक्षिण एसियाका ६ राष्ट्रको सहभागिता रहेको छ । नेपाल समूह बीमा पाकिस्तान र बंगलादेशसँग रहेको छ । शुक्रबार पाकिस्तानसँग खेल्दै नेपाली टोलीले साफको यात्रा सुरु गर्नेछ ।

नेपालले बंगलादेशसँग अक्टुबर २ मा प्रतिस्पर्धा गर्नेछ । अर्को समूअमा भुटान, माल्दिभ्स र भारत छन् । राउन्ड रोविन लिगपछि समूहका शीर्ष २ टोली अन्तिम चारमा पुग्नेछन् ।

एन्फाको कार्यवहाक अध्यक्ष वीरबहादुर खड्का, सांसद निरु पाल, उपाध्यक्ष पंकज बिक्रम नेम्बाङ, महिला कमिटिका अध्यक्ष वृन्दा देवान, ओलम्पियन संगीना बैद्य लगायतले विदाई गरे । नेपाली टोली बुधबार नै भुटान जानेछ ।

नेपाली यू १८ टोली
गोलकिपर : अन्जना राना मगर, उषा नाथ, कविता राई

रक्षक : पुजा रानामरगर, निशा थोकर, सुष्मा महर्जन, रोजिना श्रेष्ठ, समिक्षा घिमिरे, विमला विक, कोपिला धिमाल, पुनम फरसवान

मिडफिल्ड : सरु लिम्बु, मन्जली कुमारी योन्जन, शुभद्रा खड्का, अस्मिता बैद्य, मनिषा राउत,सुहानी कुसुवार, सृजना सिंह ठकुरी, सम्झना लावती

फरवार्ड : सम्झना शर्मा, एलिसा जाम्बा, रश्मी कुमारी घिसिङ, रेखा पौडेल

प्रशिक्षक : हरि ओम श्रेष्ठ

सहायक प्रशिक्षक : प्रकाश बैद्य

गोलकिपर प्रशिक्षक : अष्मिता खवास