6 years ago
September 27, 2018
बार्सिलोना (एजेन्सी)- स्पेनिस ला लिगाको शीर्ष स्थानमा रहेको बार्सिलोनाले दुई मिनेटको अन्तरमा दुई गोल खाएपछि लिगको पुछारमा रहेको लेगानेससँग २-१ को हार बेहोरेको छ । केहि कमजोर टोली उतार्ने प्रशिक्षक एर्नेस्टो भालभेर्डेको निर्णय पराजयसँगै गलत सावित हुन पुग्यो ।
लिगको साविक विजेता बार्सिलोनाले फिलिपे कोउटिन्होको गोलमा १२ औं मिनेटमा अग्रता लिएको थियो । ब्राजिलियन मिडफिल्डरले उत्कृष्ट भली प्रहार गर्दै अग्रता दिलाएका थिए । खेल दौरान कप्तान लिओनेल मेसीको प्रहार पनि क्रसबारमा लाग्दै फर्कनु बार्साको लागि दुर्भाग्य रहयो । खेलमा डिफेन्डर जोर्डी अल्बा र फरवार्ड लुइस सुआरेजलाई विश्राम दिईएको थियो ।
खेलमा पकड जमाईरहेको बार्सिलोनाले दोस्रो हाफमा केहि समय लय गुमाउँदा महँगो मूल्य चुकाउनु पर्यो । नबिल एल झारले ५२ औं मिनेटमा क्रस बलको सदुपयोग गर्दै हेडरमार्फत खेल बराबरीमा ल्याए । त्यसको ६८ सेकेन्ड नबित्दै ओस्कार रोड्रीग्वेजले लेगानेसलाई अग्रता दिलाए । ओस्कार रियल म्याड्रिडबाट लोनमा लेगानेस आएका हुन् ।
त्यसपछि बार्सिलोनाले आफ्नो आक्रमण झनै तीव्र पारेको थियो । खेलको अन्तिम समयमा लेगानेसका गोलरक्षक इभान क्वेलारले कोउटिन्हो र इभान राकीटिचको उत्कृष्ट प्रहार बचेका थिए । सर्जी रोबर्टोले खेल बराबरीमा ल्याउने सुवर्ण अवसर गुमाउँदा बार्सिलोनाले हार टार्न सकेन । यो लेगनेसको बार्सिलोनाविरुद्ध शीर्ष श्रेणीमा पहिलो जित पनि हो ।
हारका बाबजुद बार्सिलोना लिग तालिकाको शीर्ष स्थानमा कायम छ । लिगको अर्को खेलमा रियल म्याड्रिड सेभिल्लासँग ३-० ले पराजित हुँदा बार्सिलोना शीर्ष स्थानमा कायम रहेको हो । पछिल्लो २३ दिनमा ७ खेल खेलेको बार्सिलोनाका लागि प्रशिक्षक एर्नेस्टोले केहि खेलाडीलाई परिवर्तन गर्दै छुट्टै रणनीति अपनाएका थिए ।
जोर्डी अल्बाको स्थानमा भर्मालेन खेलाएर तीन डिफेन्स खेलाउनु र सुआरेजलाई बेन्चमा राखेर मुनिर एल हद्ददीलाई पहिलो रोजाइमा खेलाउनु सहि सावित भएन । मुनिरले अग्रपंक्तिमा आशा गरे अनुसार प्रदर्शन गर्न सकेनन् । भर्मालेनले पनि आक्रमणमा अल्बाजस्तो सहयोग पुर्याउन असमर्थ रहेका थिए ।
December 14, 2024
हिमाल खरेल,बिर्तामोड झापाको बिर्तामोडमा शनिवार सुरु भएको प्रथम झापा कप फुटबल प्रतियोगिताको उद्घाटन खेलमा त्रिभुवन आर्मी फुटबल क्लबले विजयी सुरुवात गरेको छ । आर्मीले मोरङको एलएक्स सिटी एफसीलाई ३-० गोल अन्तरले पराजित गर्दै क्वार्टर फाइनलमा स्थान सुरक्षित गरेको हो । आर्मीका लागि राष्ट्रिय टिमका स्ट्राइकरसमेत रहेका नियमित खेलाडी जिलेस्पीजंग कार्की, दिशान्त राई, निरज चौधरीले गोल […]
December 14, 2024
हिमाल खरेल,बिर्तामोड झापा कपको उद्घाटन खेल आज त्रिभुवन आर्मी फुटबल क्लब र मोरङको एलएक्स सिटी फुटबल क्लबबीच प्रतिस्पर्धा हुनेछ । झापा ११ फुटबल क्लबको आयोजनामा हुन लागेको प्रतियोगितामा सिराहाको सलहेस युवा क्लब, एनआरटी फुटबल क्लब, चर्च ब्वाइज युनाइटेड, इटहरीको राष्ट्रिय जागृति क्लब सहभागी छनम । त्यस्तै, दार्जिलिङको जिटिए, काठमाडौं जिल्ला लिग च्याम्पियन चित्लाङ फुटबल क्लब, […]
December 12, 2024
काठमाडौं (हाम्रो खेलकुद)- नेपाल सुपर लिग (एनएसएल) को तेस्रो संस्करण यसै वर्षको अन्त्यमा आयोजना हुनेभएको छ। नेपाल स्पोर्ट्स एण्ड इभेन्ट म्यानेजमेन्ट प्राइभेट लिमिटेडले आयोजना एनएसएल चैत १६ गते सुरु हुने अखिल नेपाल फुटबल संघ (एन्फा) ले जानकारी दिएको छ। आज एन्फा कम्प्लेक्स सातदोबाटोमा एन्फा महासचिव किरण राईले एनएसएलका प्रबन्ध निर्देशक श्रेयांस कार्कीलाई एनएसएल आयोजनाको अनुमतिपत्र […]