काठमाडौं (हाम्रो खेलकुद) – घरेलु फुटबलको चर्चित र सफल क्लब मध्येको लक्ष्मी हुन्डाई मनाङ–मस्र्याङ्दी क्लबले शनिबार देखि शुरु हने सहिद स्मारक ‘ए’ डिभिजन लिगका लागि टोलीको घोषणा गरेको छ ।

फाइनल तस्बिर

आरसिटीसँगै कीर्तिमानी ६ पटकको ए डिभिजन लिग च्याम्पियन मनाङले बुधबार २० सदस्यीय टोलीको घोषणा गरेको हो । टोलीमा २० मध्ये २ विदेशी खेलाडी छन् ।

टोलीका कप्तान समेत रहेका स्ट्राइकर अनिल गुरुङलाई टिममा राख्न नसकेपनि मनाङले घोषणा गरेको टोलीमा राष्ट्रिय टोलीका खेलाडी समावेश छन् । अनिल अर्को चर्चित क्लब रुस्लान थ्री स्टार क्लब गएपछि मनाङको कप्तानी विराजले सम्हाल्ने भएका छन् । विराज राष्ट्रिय फुटबल टोलीका पनि कप्तान हुन् ।

मनाङले यसै सिजन झापा–११ बाट उच्च प्रदर्शन गरिहेका पुजन उपरकोटी, एपीएफबाट अन्जन विष्ट, हेमन गुरुङलाई क्लबमा अनुबन्ध गरिसकेको छ । दीपक राईलाई पनि मनाङले क्लबमा फर्काउन सफल भएको छ । मनाङले १४ असोजमा ब्रिगेड ब्वाइजसँग खेल्ने तालिका रहेपनि नेपाली राष्ट्रिय टोलीले बंगबन्धु गोल्डकपमा सहभागिता जनाउने पछि खेल तालिका फेरबदल हुने भएको छ ।
मनाङ टोली
गोलरक्षकः विशाल श्रेष्ठ र अशोक बराल
रक्षक : विराज महर्जन (कप्तान), कमल श्रेष्ठ, विमल बस्नेत, सुरज विश्वकर्मा, प्रवेश दनुवार, कर्मा छेकी गुरुङ र मिलन गुरुङ
मिडफिल्ड : सुजल श्रेष्ठ, विशाल राई, अन्जन विष्ट, हेमन गुरुङ, डोना थापा, पुजन उपरकोटी र रामकृण्ण बस्नेत
फरवार्डः विमल राना, दिपक राई, ओलावले अफिज र एडिलाजा