7 years ago
October 8, 2018
बार्सिलोना (एजेन्सी) – वर्तमान फुटबलमा लियोनल मेस्सीलाई फुटबलको भगवान मान्नेहरु धेरै छन्। कतिपय समर्थकहरु उनलाई बेग्लै ग्रहको प्राणी भन्ने गर्छन। मेस्सी पक्कै पनि विश्व फुटबलको एक उत्कृष्ट खेलाडीमध्ये एक हुन्। उनको नाममा बनेका किर्तिमानहरुले पनि उनको स्तरको बयान गर्दछ ।
फुटबलमा लियोनल मेस्सीका थुप्रै किर्तिमानहरु छन्। तिमध्ये तोड्नलाई असम्भव जस्तै मेस्सीको नाममा रहेका ५ किर्तिमानहरु यसप्रकार छन् :
१. एक वर्षमा सर्वाधिक गोल
लियोनल मेस्सीले २०१२ मा ९१ गोल गरे। यसले गर्ड मुलरको नाममा रहेको ४० वर्ष पुरानो किर्तिमान भंग गर्यो। १९७२ मा मुलरले एक वर्षमा ८५ गोल गरेका थिए। मेस्सीले ४० वर्षपछि तोडेको यो किर्तिमान अन्य खेलाडीलाई तोड्न निकै गाह्रो पर्नेछ।
मेस्सीले उक्त वर्ष ९१ गोल गर्न ६९ खेल खेलेका थिए। जसमध्ये ६० खेलमा ७९ गोल बार्सिलोनाका लागि थियो भने ९ खेलमा १२ गोल अर्जेन्टिनाका लागि थियो।
२. ४ ब्यालन डी’ओर जित्ने सबै भन्दा कान्छा खेलाडी
कुनै पनि फुटबलरले करियरमा १ ब्यालन डी’ओर जित्नु ठूलै सफलता मानिने गर्दछ। मेस्सीले २२ वर्षको उमेरमा नै पहिलो पटक यो सौभाग्य प्राप्त गरे। २५ वर्ष ६ महिना १२ दिनको हुँदा उनले चौथो ब्यालन डी’ओर जितेका हुन्। कुनै पनि खेलाडीले यो उमेरमा ४ उपाधि जित्न असम्भव जस्तै हुनसक्छ।
३. ला लिगामा सर्वाधिक असिस्ट
मेस्सीको नाममा ला लिगामा १ सय ५३ असिस्ट छन्। उनले गोल गर्छन्, अन्य खेलाडीहरुलाई पनि त्यति नै गोल गर्ने मौका सिर्जना गर्छन। अहिलेको प्रतिस्पर्धी बजारमा कुनै खेलाडी एकै लिगमा बसेर यो किर्तिमान भंग गर्न असम्भव जस्तै हुनसक्छ।
४. लगातार ४ ब्यालन डी’ओर
मेस्सी र रोनाल्डोको नाममा समान ५ ब्यालन डी’ओर छन्। सन् २००९, २०१०, २०११ र २०१२ मा मेस्सीले लगातार चार ब्यालन डी’ओर जितेका छन्। कुनै पनि खेलाडीलाई यो किर्तिमान बराबरी गर्न सहज हुदैँन।
५. ला लिगामा सर्वाधिक गोलकर्ता
मेस्सी ला लिगामा सर्वाधिक गोल गर्ने खेलाडी हुन्। उनले बार्सिलोनाका लागि ला लिगामा ३ सय ९२ गोल गरेका छन् र उनी अझै पनि सक्रिय गोलकर्ता हुन्। दोस्रो स्थानमा रहेका क्रिस्टियानो रोनाल्डोको ३ सय ११ गोल छन् तर उनी रियल म्याड्रिडबाट युभेन्टस पुगेसंगै यो किर्तिमान नजिक अन्य कुनै खेलाडी छैनन्। हाल यो किर्तिमान नजिकका ला लिगामा सक्रिय अन्य खेलाडी ३७ वर्षीय एथलेटिक बिल्बावोका अडुरिज जुबेलडिया हुन् जसको नाममा १ सय ५५ गोल छ। त्यसर्थ यो किर्तिमान तोड्न लगभग असम्भव जस्तै हो।
December 19, 2025
काभ्रे (हाम्रो खेलकुद)- आयोजना काभ्रेपलाञ्चोक साँगाको नेपाल पुलिस स्कुलले ३१औं अन्तर माध्यामिक विद्यालय आइजिपी फुटबल प्रतियोगिताको रनिङ ट्रफी जितेको छ । भक्तपुरको सैनिक आवसीय महाविद्यालयलाई १-० ले हराउँदै पुलिस स्कुलले उपाधि जितेको हो। रोनी विक्रम शाहले नवौं मिनेटमा गरेको गोल खेलको निर्णायक बन्यो। रोनी फाइनल अफ दि म्याच घोषित भए। प्रतियोगितामा पिस पोइन्ट बोर्डिङ स्कुल […]
December 19, 2025
एजेन्सी – डेभिड नेरेस र रास्मुस होयलुन्डको गोलमा नापोलीले एसी मिलानलाई २-० ले हराउँदै इटालियन सुपर कपको फाइनल पुगेको छ। नापोलीले खेलको दुवै हाफमा गोल गर्दै जित निकाल्यो। यो जितसँगै नापोलीले अब शुक्रबार हुने अर्को सेमिफाइनल बोलोन्या र इन्टरबीचको खेलको विजेतासँग फाइनल खेल्नेछ। सुपर कपको फाइनल डिसेम्बर २२ मा हुनेछ। खेलको सुरुआतमै नापोलीले अग्रता लिने […]
December 18, 2025
एजेन्सी – पेरिस सेन्ट-जर्मेन (पिएसजी) ले ब्राजिलियन टोली फ्लामेङ्गोलाई पेनाल्टीमा २-१ ले हराउँदै इन्टरकन्टिनेन्टल कप जितेको छ । पिएसजीको वर्षको यो छैटौँ उपाधि हो । पेनाल्टी सुटआउटमा परिवर्तित गोलकिपर मत्वेई सफोनोभ नायक बने । उनले लगातार ४ पेनाल्टी बचाउँदै पिएसजीको जित पक्का गरे। च्याम्पियन्स लिग विजेता पिएसजीले गत वर्ष पहिलो संस्करणको उपाधि जितेको रियल मड्रिडको […]
