ताजिकिस्तानलाई हराउँदै प्यालेस्टाइनले उचाल्यो बंगबन्धु कपको उपाधि!

काठमाडौं (हाम्रो खेलकुद) – निकै प्रतिस्पर्धात्मक फाइनल खेलमा ताजिकिस्तानलाई पेनाल्टी सुटआउटमा पराजित गर्दै प्यालेस्टाइनले बंगबन्धु कपको उपाधि जितेको छ । प्यालेस्टाइन टाइब्रेकरमा ४-३ ले विजयी रहयो ।

शुक्रबार ढाकास्थित बंगबन्धु अन्तर्राष्ट्रिय रंगशालामा भएको फाइनल खेलको नियमित समय गोलरहित बराबरीमा टुंगिएको थियो । अतिरिक्त समयमा पनि गोल नहुँदा खेलको निर्णय टाइब्रेकरबाट लिइएको थियो । प्यालेस्टाइनका गोलरक्षक रामी हमादीले दुई प्रहार बचाएपछि प्यालेस्टाइनको जित सम्भव भएको थियो । उनले कोमोरोन तुर्सुनोभ र तब्रेजी दवलतमिरको प्रहार बचाएका थिए ।

प्यालेस्टाइन र ताजिकिस्तान दुवै नेपालको समूहमा रहेका थिए । दुवै टोलीले नेपाललाई पराजित गर्दै सेमिफाइनल यात्रा तय गरेका थिए । प्यालेस्टाइनले समूह चरणको खेलमा ताजिकिस्तानलाई २-० ले पराजित गरेको थियो । नेपाल भने प्यालेस्टाइनसँग १-० र ताजिकिस्तानसँग २-० ले पराजित हुँदै समूह चरणबाट बाहिरिएको थियो ।

ताजिकिस्तानलाई हराउँदै प्यालेस्टाइनले उचाल्यो बंगबन्धु कपको उपाधि!

Latest News

Popular News

फुटबल

झापा कपको उद्घाटन खेल-आर्मी र एलएक्स सिटी खेल्ने

एनएसएलको तेस्रो संस्करण चैतमा

फुटबलर अमिशा र गीता नगदसहित सम्मानित

चर्चित खेलहरु:

उपयोगी लिङ्कहरू

सम्पर्क

सामाजिक संजाल