काठमाडौं (हाम्रो खेलकुद) – पल्सर सहिद स्मारक ए डिभिजन लिग अन्तर्गत शनिबार नेपाल पुलिस क्लब र हिमालयन शेर्पा क्लबबीचको खेल १-१ को बराबरीमा सकिएको छ । पुलिसले पहिलो हाफमा अग्रता लिएपनि दोस्रो हाफमा त्यसलाई बचाउन सकेन ।

खेलको १८ औं मिनेटमा मिनेटमा हिमालयन शेर्पाका प्याट्रिक गाेहाले बक्सभित्रबाट गरेको प्रहार आकासियाे । २३ औं मिनेटमा अजित भण्डारीले बक्सभित्रबाट पाएको अवसरमा फितलाे प्रहार गरे ।

३१अाैं मिनेटमा पुलिसले खेलमा सुरुवाती अग्रता लियो । फरवार्ड भरत साहले तेज तामाङकाे क्रस पासलाई सदुपयाेग गर्दै पुलिसलाई अग्रता दिलाए । त्यसको पाँच मिनेटपछि नै भरतले अर्को अवसर पाए । दुई डिफेन्डरलाई बिट गर्दै गाेलरक्षक अघि बढेकाे अवस्थामा भरतले आफ्नो प्रहारलाई पोस्टको दिशा दिन सकेनन् ।

दोस्रो हाफको ७० औं मिनेटमा शेर्पाले बराबरी गोल फर्कायो । पेनाल्टी क्षेत्रबाहिर लिएको चलाखीपूर्ण फ्रिकिकमा विश्वास श्रेष्ठको प्रहार सिधै गोलमा परिणत भयो । फ्रिकिकमा दिएको छोटो पासलाई विश्वासले पेनाल्टी क्षेत्रको दायाँ भागबाट गोल गरेका थिए । थप समयमा गोल हुन नसक्दा खेल १-१ को बराबरीमा टुंगियो ।

यस बराबरीसँगै दुवै टोली समान ११ अंक जोडेर अंक तालिकामा मध्ये स्थानमा छन् । दुवै टोलीले ७ खेलमा ३ जित, २ बराबरी र २ हार बेहोरेका छन् । गोलअन्तरका आधारमा पुलिस पाँचौ र शेर्पा छैटौं स्थानमा छ ।