दिपक बोहोरा, पाँचथर

फिदिममा जारी दशौं रुस्लान फाल्गुनन्द गोल्डकपमा डिभाइन ब्वाइज युनियन क्लब काठमाण्डौं लाई २–० ले हराउँदै रोयल फुटबल क्लब दार्जिलीङ सेमिफाइनल प्रबेश गरेको छ दार्जिलिङको जितमा करन राईले दुवै गोल गरे ।

फाइनल प्रबेशका लागी दार्जिलिङले त्रिभुवन आर्मी क्लब संग प्रतिस्पर्धा गर्ने छ । दार्जिलिङको जितसंगै दशौं फाल्गुनन्द गोल्डकपको सेमिफाइनल समिकरण पुरा भएको छ । झापा ११, त्रिभुवन आर्मी, सरस्वती युथ क्लब यसअघि नै सेमिफाइनल पुगिसकेका छन् ।

बिहिबार फिदिम माविको खेलमैदनमा १६ औं मिनेटमा करन राईको गोलबाट दार्जिलिङले अग्रता बनाएको थियो । सिद्धात क्षेत्रिको क्रसमा राईले गोल गरेका थिए । २० औं मिनेटमा दार्जिलीङका करनले गोलको सुन्दर अवसर गुमाए । ५४ औं मिनेटमा दाजिलीङका करन राईको शक्तिशाली प्रहार युनियनका गोलरक्षकले उत्कृष्ट बचाउ गरे ।  लगत्तै दार्जिलीङका सिद्धान्त क्षेत्रिले वन भर्सेज वनमा गोल गर्न चुके ।

६२ औं मिनेटमा युनियनका सकल रेग्मीको सुन्दर फ्रिकिक बारमा लागेर फर्किदा युनियन बराबरी गर्नबाट चुक्यो । ७४ औं मिनेटमा दार्जिलिङका करनले पुन: गोल गर्दै दार्जिलिङलाई अर्को चरण पुर्याए । सुरु देखिनै दवाबमा खेलेको ब्वाइज युनियनले पाए केहि राम्रा अवसर गुमाउँदा पराजित हुन पुग्यो । खेलमा दुई गोल गरेका दार्जिलिङका करन राई म्यान अफ दि म्याच बने । उनले दश हजार रुपैयाँ प्राप्त गरे ।

विदेेेशी खेलाडीहरु खेल्न नसक्दा पराजित हुन परेको युनियनका प्रशिक्षक विजय मर्हजनले बताए । खेलाडीहरुले सोचे अनुरुप खेल्न नसके पनि नतिजा आफ्नो पक्षमा आएकोमा खुसि रहेको रोयल फुटबल क्लब दार्जिलिङका प्रशिक्षक सचिन्द्र धिमालले जानकारी दिए ।

प्रतियोगितामा मोफसलका चर्चित क्लबहरु र ए डिभिजन सहित दश टिमको सहभागीता रहने छ । पूर्वकै प्रतिष्ठित फुटबल प्रतियोगिता फाल्गुनन्द गोल्डकपको दशौं संस्करणको विजेताले उपाधि सहित नगद चार लाख प्राप्त गर्नेछ ।

फाल्गुनन्द गोल्डकपमा शुक्रबार हुने खेल :

सरस्वती युथ क्लब र झापा-११