लन्डन (एजेन्सी)- इड्लिस प्रिमियर लिग अन्तिम चरणतर्फ अघि बढिरहँदा रोमाञ्चक बन्दै गएको छ । अलेक्स सान्चेजको २ गोलमा आर्सनलले गए राती वेस्टब्रुमलाई २-० ले हराउँदै शीर्ष ४ मा पर्ने सम्भावनालाई थप मजबुद बनाएको छ ।
अलेक्स सान्चेज
जितपछि आर्सनल तेस्रो स्थानमा उक्लदा म्यानचेस्टर सिटी चौथो स्थानमा खस्केको छ । अघिल्ला दुई खेल बराबरीमा चित्त बुझाएको आर्सनलका लागि बिहीबार छैटौं मिनेटमा पहिलो गोल गरेका सान्चेजले अर्को गोल पहिलो हाफ हुन ७ मिनेट बाँकी रहँदा गरेका थिए । उनले दोस्रो गोल प्रिकिकमा गरेका थिए । दोस्रो स्थानको टोटेनह्याभन्दा आर्सनल अझै ५ अंकले पछाडी छ । पाँचौं स्थानको म्याचेस्टर युनाइटेडलाई पनि आर्सनलले ५ अंकले नै पछाडी पारेको छ । शीर्षस्थानको लेस्टर सिटीको ७३ अंक छ ।
