युनाइटेड (एजेन्सी)
म्यानचेस्टर युनाइटेडका प्रशिक्षक लुइस भान हालले आफ्नो भविष्यका बारेमा क्लबले निर्णय गर्ने बताएका छन् । एएफ कप क्लबले जितेको खण्डमा पनि उनीले प्रशिक्षकमा निरन्तरता पाउनछन् पाउदैनन् भन्नेमा चासो भइरहँदा भान हालले भनेका छन्, म भविष्यका बारेमा होइन, अहिलेको प्रतिस्पर्धाका बारेमा सोचिरहेको छु । उनको क्लबसँगको सम्झौता अझै एक बर्षको बाँकी रहेपनि उनलाई सिजनको अन्त्यपछि हटाइने चर्चा छ ।
एन्थोनी मार्सेलले निर्णायगोल गरेपछि एभर्टनलाई २-१हराउँदै युनाइटेड शनिबार एएफए कपको फाइनलमा प्रवेश गरेको छ । माराउने फेलानीको गोलबाट युनाइटेडले ३४ औं मिनेटमा खेलमा अग्रता बनाएको थियो । ५७ औं मिनेटमा एभर्टनले बराबरीको अवसर पाएको थियो । तर युनाइटेडका गोलकिपर डेभिड डि जियाले लुकाकुको पेनाल्टी रोकेका थिए । तर ७५ औं मिनेटमा युनाइटेडका क्रिस स्मलिड्ले आत्मघाती गोल गरेपछि खेलमा १-१ को बराबरी भएको थियो ।
थप समयतर्फ अघि बढ्ने सम्भावना देखिएको खेलमा मार्सेलले इन्जुरी समयमा गोल गर्दै युनाइटेडको जित पक्का पारे । अर्को सेमिफाइनलमा आज क्रिस्टल प्यालेस र वाटफोर्ड बीच प्रतिस्पर्धा हुनेछ ।
