गत राती भएको ईपीएलको खेलहरुमा ठुला टिमहरुले जीत हासिल गरेका छन । हिजोको खेलहरुमा चेल्सी, म्यान्चेस्टर सिटी र साउथह्याम्प्टन बिजय भएका थिए भने लिभरपुलले ड्र खेलेको थियो ।
उपाधिको होडबाट बहिरिसकेको म्यान्चेस्टर सिटीले स्टोक सिटीलाई ४-०ले पराजित गर्दा इहीयनाचोले दुइ तथा अगुएरो र फेर्नान्डोले १-१ गोल गरे । अर्को खेल मा साउथह्याम्प्टनले रेलिगेट भैसकेको एस्टन भिल्लालाई ४-२ले पराजित गरेको थियो, बिजय टोलिका लागि टाडिजले दुइ तथा शेन लङ र मानेले १-१ गोल गरेका थिए ।
लिभरपुल भने रेलिगेसनसँग लडिरहेको न्यूकासलसँग आफ्नै मैदानमा २-२को ड्र खेल्न बाध्य भयो, लिभरपुलको लागि स्टरिज ले र लालानाले १-१ गोल गरे भने न्यूकासलको लागि सिजे र कोलबाकले गोल गरे ।
यो सिजन एकदमै आलोचना खेपिरहेको चेल्सीले बोर्नेमाउथलाई ४-१ले पराजित गर्यो, चेल्सीको जितमा धेरै पछी ईडेन हाजार्ड नायका भए उन्ले दुइ गोल गरेका थिए । अगिल्लो सिजनको बेस्ट प्लेयार हाजार्ड को यो सिजनको पहिलो गोल पनि हिजै सम्भब भएको थियो । चेल्सीको लागि अन्य गोल विलियन र पेड्रोले गरेका थिए ।
