लन्डन (एजेन्सी) – जोय हार्टले म्यानचेस्टर सिटीलाई च्याम्पियन्स लिगको फाइनल पुर्याउने सम्भावनालाई जीवित राखेका छन् । रियाल मिड्डसँगको पहिलो लेगलाई गोलरहित बराबरी रोकेपछि सिटीले अघि बढ्ने सम्भावनालाई यथावत राखेको हो । खेललाई बराबरीमा रोक्ने क्रममा गोलकिपर हार्टले अन्त्यतिर दुई उत्कृष्ट बचाउ गरेका थिए ।
म्यानचेस्टर सिटीका गोलकिपर
जोय हार्ट
तिघ्राको चोटका कारण क्रिस्टियाने रोनाल्डो सिटीको मैदानमा उत्रेनन् । उनको अनुपस्थितिमा रियलको आक्रमण दमदार हुन सकेन । टोली कमैमात्र गोलको अवसर सृजना गर्न सक्यो । अन्तिम २० मिनेटमा भने रियालले दुईवटा शसक्त आक्रमण गर्यो, तर सफल भएन । जेसेको हेड प्रहार बारमा लागेर फर्कियो भने हार्टले कासिमिरो र पेपेको प्रयासलाई रोकेका थिए । कासिमारोले नजिकबाट गरेको हेडप्रहारलाई हार्टले बचाएका थिए । दोस्रो लेग अर्को साता रियालको मैदानमा हुनेछ । दोस्रो सेमिफाइनलको पहिलो लेग बायर्न म्युनिख र एट्लेटिको मड्डिबीच प्रतिस्पर्धा हुनेछ ।
