काठमाडौं (हाम्रो खेलकुद)– नेपाल आइस बीबीसी कप फुटबलमा शुक्रबार चावहिल स्पोर्टस क्लब, पद्मज्योति काभ्रे बोर्डर साँगा, नवदुर्गा युथ क्लब खोपासी विजयी भएका छन् ।
नेपाल बनेपा पोलिटेक्निक इन्स्टच्युटको मैदानमा चावहिलले काठमाडौंको स्वयम्भू क्बबलाई ४–१ ले हराएको छ । चावहिलका लागि अमिर केसी, सुसुन लामा, विशेष राई र सोम थापाले गोल गरे । स्वयम्भुका लागि राज पौडेलले गोल फर्काए । चावहिलका सुसन म्यान अफ दी म्याच चुनिए ।
पद्मज्योतिले आयोजक बनेपा ब्वाइज क्लब (बीबीसी) लालिगुरासलाई टाइब्रेकरमा ४–१ ले हराएको छ । निर्धारित समय १–१ को बराबरीपछि टाइब्रेकरमा पद्मज्योतिले बाजी मारेको थियो । विपिन लिम्बुको गोलबाट बीबीसीले अग्रता लिएपनि पद्मज्योतिका लागि साहिल विष्टले बराबरी गोल फर्काएका थिए । पद्मज्योतिका आशिष थापामगर खेलको म्यान अफ दी म्याच घोषित भएका थिए ।
नवदुर्गाले ट्रिटोन इन्टरनेसन कलेज काठमाडौंलाई पेनाल्टी सुटआउटमा हराएको थियो । निर्धारित समयमा गोलरहित बराबरीपछि पेनाल्टी सुटआउटमा नवदुर्गा वजयी भएको थियो.।
नवदुर्गाका गोलकिपर सन्जय ताम्राकार खेलको म्यान अफ दी म्याच घोषित भएका थिए ।
