एजेन्सी – क्लबका अध्यक्ष फ्लोरेन्टिनो पेरेजसँगको खराब सम्वन्धपछि कप्तान सर्जियो रामोसले रियल म्याड्रिडबाट ‘टोटल डिभोर्स’ चाहेको बताएका छन् ।

क्लबका अध्यक्ष फियोरेन्टिना पेरेजसँगको खराव सम्वन्धपछि रामोसले यो सिजनको अन्त्यसँगै क्लबबाट ‘टोटल डिभोर्स’ चाहेको विभिन्न सञ्चार माध्यमले उल्लेख गरेका छन् । क्लबका अध्यक्ष पेरेज र रामोसबीच खटपट मुख्य गरी रियल च्याम्पियन्स लिगको प्रि–क्वाटरफाइनलबाट आयाक्ससँग पराजित भएसँगै शुरु भएको थियो ।

पहिलो लेगमा जानाजान पहेंलो  कार्ड खादै रामोस दोस्रो लेगलाई रामोस प्रतिबन्धित भएका थिए । युइएफएले उनीमाथि थप कारवाही गर्दा उनले दोस्रो लेग गुमाउँदा च्याम्पियन्स लिगको ह्याट्रिककर्ता रियलले डच टोली आयाक्ससँग ४–१ ले गुमाएको थियो ।

कप्तान तथा मुख्य रक्षकले अनावश्यक कार्ड खाएपछि अध्यक्ष पेरेज निक्कै रिसाएका थिए । त्यसपछि पनि लगातार राम्रो सम्वन्ध हुन नसक्दा रामोसले क्लब छाड्ने धम्की दिँदै आएका थिए ।

रामोसले ‘टोटल डिभोर्स’ चहाँदै फ्रि ट्रान्सफरमार्फत चिनिया सुपरलिगमा जाने बताएका छन् । उनले आफु थकित रहेको र अब रियलको आर्मब्याड नपहिरिने अध्यक्षलाई धम्की दिएका थिए ।
क्लबका अध्यक्ष पेरेजले रामोस अझै क्लबमा रहने बताउँदै रामोसलाई चिनिया सुपरलिगमा राम्रो अफर आएको उनको एजेन्टले बताएको उल्लेख गरेका छन् ।

३३ वर्षीय रामोस सन् २००५ मा सेभियाबाट रियल पुगेका थिए । उनल रियलबाट ४ च्याम्पियन्स लिग, ४ स्पेनिस ला लिगा, ४ फिफा क्लब विश्वकप जितेका छन् । यस्तै तीन कोपा डेल रे, ३ स्पेनिस कप र तीन युरोपियन सुपर कप जितेका छन् ।