काठमाडौं (हाम्रो खेलकुद)– दुई वटा मैत्रीपूर्ण खेलका लागि नेपाली पुरुष फुटबल टोली आज साँझ मलेसिया प्रस्थान गर्दैछ ।

नेपालले मलेसियासँग आइतबार र त्यसपछि जेठ २३ गते चाइनिज ताइपेसँग मैत्रीपूर्ण खेल खेल्ने लागेको हो । जोहान कालिनले प्रशिक्षण सम्हालेयता नेपालको यो दोस्रो विदेश भ्रमण हो ।

यसअघि नेपालले कुँवेत दुई वटा मैत्रीपूर्ण खेल खेलेको थियो । पहिलो खेलमा गोलरहित बराबरी खेलेको नेपाली टोली दोस्रो खेलमा १–० ले पराजित भएको थियो ।

नियमित टोलीका सदस्य रहँदै आएका भरत खवास र विमल घर्तीमगर यसपटक टोलीमा पर्न सकेनन् । चोटका कारण उनीहरु चोटमा नपरेको बताइएको छ । अर्को तिर राष्ट्रिय टोलीबाट खेल्नका लागि पहिलो रोजाईका गोलकिपर किरण चेम्जोङले माल्दिभ्सको टिसी स्पोर्टस्सँगको व्यवासायिक सम्झौता तोडेका छन् ।

इन्डोनेसियामा व्यवसायिक फुटबल खेलिरहेको रोहित चन्द भने उतैबाट मलेसिया पुग्ने अखिल नेपाल फुटबल संघ (एन्फा) ले जनाएको छ । टोलीलाई एन्फाले आज विदाई गरेको छ । टोली साँझ ६ः५० बजे मलेसियाका लागि उड्नेछ ।

नेपाली फुटबल टोली
गोलरक्षक – किरण चेम्जोङ, एलन न्यौपाने, विकेश कुथु

डिफेन्डर – विराज महर्जन, सरोज दाहाल, रजिन धिमाल, सुमन अर्याल, अनन्त तामाङ, अजित भण्डारी, देवेन्द्र तामाङ, रवी सिलवाल

मिडफिल्डर/फरवार्ड-तेज तामाङ, सुनिल बल, विशाल राई, रोहित चन्द, विक्रम लामा, सन्तोष तामाङ, सुजल श्रेष्ठ, विमल राना, रविशंकर पासवान, अभिषेक रिजाल, अन्जन विष्ट, नवयुग श्रेष्ठ