वासिंटन (एजेन्सी) – ब्राजिल कोपा अमेरिकामा विजयी सुरुआत गर्नबाट चुकेको छ । अमेरिकामा जारी कोपा अमेरिकाको समूह बीको खेलमा ब्राजिल इक्वेडरसँग गोलरहित बराबरीमा रोकिएको हो । ब्राजिल विश्व फुटबलमा ठूलो नाम हो । तर इक्वेडरले पनि पछिल्लो केही महिना यता उच्च प्रदर्शन गर्दै आएको छ । सोही समूहको अर्को खेलमा पेरुले हाटीलाई १–० ले हराउँदै विजयी सुरुआत गरेको हो ।
पेरु र हाइटीबीचको प्रतिस्पर्धा ।
समूह एमा कोस्टा रिका र पाराग्वेले गोलरहित बराबरी खेल्दा आयोजक अमेरिका कोलम्बियासँग २–० निराश भएको छ ।
६१ औं मिनेटमा जोस पाउलो गुरेरोले गरेको गोल पेरुको जितका लागि पर्याप्ट रह्यो । त्यो गोलले गुरेरो पेरुका लागि सर्वाधिक गोल गर्ने खेलाडी बनेका छन् । उनले अहिले सम्म २७ गोल गरिसकेका छन् ।
क्रिस्टिना जापाटाले आठौं र हामेस रोड्रिग्वेजले ४२ औं मिनेटमा पेनाल्टीमा गोल गरेपछि कोलम्बियाले अमेरिकालाई पराजित गरेको हो ।
