अलीको ह्याट्रिकमा कतारको आधा दर्जन गोल

एजेन्सी – युवा स्टार अल्मोइज अलीको ह्याट्रिक प्रेरित खेलमा विश्वकप आयोजक राष्ट्र कतारले अफगानिस्तानमाथि आधा दर्जन गोल गरेको छ ।

विश्वकपको आयोजक समेत रहेको कतारले घरेलु टोलीले अफगानिस्तानमाथि ६–० को फराकिलो जित निकालेको हो । कतारको जितमा अलीसँगै हसन अल हाइडोज, एब्देलकरिम हसन फादल्हा र बोउलेम खोउकीले १-१ गोल गरे ।

एसियन च्याम्पियन समेत रहेको कतारले पहिलो हाफमा ४ तथा दोस्रो हाफमा २ गोल गर्न सफल भएको थियो । खेलको चौथो मिनेटमा युवा स्टार अल्मोइज अलीको गोलबाट अग्रता बनाएको थियो ।

१०औं मिनेटमा अलीले नै गोल गर्दै अग्रता दोब्बर बनायो । त्यसको तीन मिनेटपछि हसन अल हाइडोजले गोल गर्दै कतारलाई १३ मिनेट भित्र नै ३–० ले अघि बढाए । ३४औं मिनेटमा एब्देलकरिम हसन फादल्हाले गोल गरेपछि कतार पहिलो हाफमै ४–० को आरामदायी अवस्थामा पुगेको थियो ।

५१औं मिनेटमा अलीले ह्याट्रिक पुरा गर्दा कतार ५–० ले अघि बढ्यो । ६७औं मिनेटमा बोउलेम खोउकीले गोल गर्दै कतारलाई आधा दर्जनको जित दिलाए ।

जितसँगै कतार समूह ‘इ’ मा ३ अंक जोडेर शीर्षस्थानमा रहेको छ । अफगानिस्तान पुछारमा छ । यही समूहको खेलमा ओमानले भारतलाई २–१ ले पराजित गरेको थियो ।

अलीको ह्याट्रिकमा कतारको आधा दर्जन गोल

Latest News

Popular News

फुटबल

झापा कपको उद्घाटन खेल-आर्मी र एलएक्स सिटी खेल्ने

एनएसएलको तेस्रो संस्करण चैतमा

फुटबलर अमिशा र गीता नगदसहित सम्मानित

चर्चित खेलहरु:

उपयोगी लिङ्कहरू

सम्पर्क

सामाजिक संजाल