वेल्सको कठिन जितमा वेलको निर्णायक गोल

एजेन्सी – खेल सकिन ४ मिनेटमात्रै बाँकी रहँदा ग्यारेथ बेलले निर्णायक गोल गरेपछि वेल्सले युरोकप छनोटमा अजरवैजानमाथि २–१ को कठिन जित निकालेको छ ।

घरेलु मैद्यान कार्डिफ सिटी स्टेडियम कार्डिफमा भएको खेलमा वेल्स खेलको २६औं मिनेटमा आत्मघाती गोलबाट खेलमा अघि बढेको थियो ।
पभेल पासायभले विपक्षी टोलीको प्रहार बचाउने क्रममा आफ्नै पोस्टमा गोल गर्न पुग्दा वेल्स पहिलो हाफमा १–० को अग्रता बनाएको थियो ।

५९औं मिनेटमा माहिर इमरेलीले गोल गर्दै अजरवैजानलाई खेलमा फर्काएका थिए । तर, खेल सकिन ६ मिनेट बाँकी रहँदा बेलले निर्णायक गोल गरेपछि वेल्सले २–१ को कठिन जित निकाल्दै महत्वपुर्ण ३ अंक जोड्न सफल भयो ।

जितसँगै वेल्स समूह ‘इ’ मा ४ खेलबाट ६ अंक जोड्दै तेस्रो स्थानमा रहेको छ । पराजत अजरबैजान अंक विहीन छ ।

यही समूहको अर्काे खेलमा क्रोएसियाले स्लोभाकियालाई ४–० को फराकिलो अन्तरले पराजित गरेको छ । क्रोएसियाको जितमा निकोला भ्लासिक, इभान पेरिसिस, ब्रुनो पेटकोभिक र डिजान लभ्रेनले गोल गरे ।

जितसँगै क्रोएसिया ४ खेलबाट ९ अंक जोड्दै दोस्रो स्थानमा उक्लिएको छ । समान ९ अंक नै रहेपनि हंगेरी गोल अन्तरमा अघि रहँदै शीर्षस्थानमा रहेको छ । स्लोभाकिया ६ अंक जोडेर गोल अन्तरमा चौथो स्थानमा रहेको छ ।

वेल्सको कठिन जितमा वेलको निर्णायक गोल

Latest News

Popular News

फुटबल

झापा कपको उद्घाटन खेल-आर्मी र एलएक्स सिटी खेल्ने

एनएसएलको तेस्रो संस्करण चैतमा

फुटबलर अमिशा र गीता नगदसहित सम्मानित

चर्चित खेलहरु:

उपयोगी लिङ्कहरू

सम्पर्क

सामाजिक संजाल